Read Batak Toba TITUS 2 Bible Online

TITUS 2 - Batak Toba bible

TITUS 2

¹I. [1] Alai anggo ho, hatahon ma na domu tu poda na tingkos i: [11†]

²Naeng ma marroha na torang angka na tuatua, daulat, toman, hisar marhaporseaon, marholong jala marbenget ni roha. [12†]

³Songon i angka parompuan natuatua: Marparange na tama di na badia i, unang panihasnihasi, unang hatagian di anggur; angka sipodahon na denggan. [13†]

⁴Naeng ma apoapoannasida angka parompuan na poso, mangkaholongi sinondukna dohot anakkonna,

⁵mamarangehon hatomanon, hapormanon, mangaringkoti ulaonna di bagas, marbasabasa, marunduk ni roha maradophon hamulianna be, unang hona insak hata ni Debata. [14†]

⁶Laos songon i ma apoi baoa angka na umposo, asa marhatomanon.

⁷Sandok pajongjong dirim tiruan di angka ulaon na denggan, polin di pangajarion, marhatomanon. [15†]

⁸Naeng tingkos poda i, so tarsual, asa maila na mangalo i, ala so dapot na roa sidohononna maralohon hita. [16†]

⁹Dioloi angka anak somang ma indukna be, patupahon lomo ni rohana di na saluhutna; unang ma manggagai! [17†]

¹⁰Unang ma mangahuti; dipatuduhon ma nasida haposan di sasude asa sandok marsangap poda ni Debata, Sipalua hita, dibahen. [18†] II.

¹¹Ai nunga tarida asi ni roha ni Debata, sibahen haluaon ni saluhut jolma.

¹²Diajari do hita, asa tasoadahon roha na so daulat ro di angka hisaphisap tano on, asa taparangehon hatomanon, hatigoran dohot hadaulaton, tagan di hasiangan on. [19†]

¹³Laos diajari do hita, paipaimahon hatuaon na tahirim i dohot hapapatar ni hasangapon ni Debata na balga i dohot Kristus Jesus, Sipalua i. [20†]

¹⁴Ai dilehon do dirina humongkop hita, asa ditobus hita sian nasa hajahaton, asa urasonna di dirina bangso, naung Ibana nampunasa, na olo mangkapadothon angka ulaon na denggan. [21†]

¹⁵I ma hatahon, paingothon jala ajarhon sian nasa gomos ni roham! Unang ma adong na marhu ni roha mida ho! [22†]