Read Batak Toba TITUS 3 Bible Online

TITUS 3 - Batak Toba bible

TITUS 3

¹I. [1] Paingot ma nasida, asa marroha na unduk mangoloi panggomgomi na mangarajai, huhut ringgas tu nasa ulaon na denggan. [23†]

²Unang ma siinsahi dongan, manang na tongkar; naeng ma parroha na lambok, parroha panganju di saluhut halak. [24†] II.

³Ai dohot do hita najolo angka na oto, na tois, na lilu, pinarhatoban ni ragam ni hisaphisap dohot sangkapsangkap, taulahon do hajahaton dohot latelate; angka hagigian do hita jala masihosoman. [25†]

⁴Alai disi ma tarida habasaon dohot habasaron ni Debata, Sipalua hita: [26†]

⁵Ndada ala ni ulaonta hatigoran, umbahen na dipalua Ibana hita; tung sian asi ni rohana do, marhitehite pandidion pangulahion tubu dohot marhitehite Tondi Parbadia na paimbaruhon i, [27†]

⁶naung niusehonna i tu hita buas marhitehite Jesus Kristus, Sipalua hita, [28†]

⁷asa gabe tigor hita, binahen ni asi ni rohana, jala sitean hangoluan salelenglelengna, mangihuthon pangkirimon i.

⁸Haposan do hata i, jala naeng ma gomos hatindangkononmu i dipangido rohangku, asa nasida, naung gabe porsea di Debata, mangkapadothon angka ulaon na denggan. I ma na uli jala hasea di jolma. [29†]

⁹Alai pasiding ma angka sualsual haotoon i dohot hata sundutsundut ro di parsalisian dohot parbadaon siala Patik i, ai ndang marniula i jala magopo. [30†]

¹⁰Pasiding ma halak parpoda haliluon, dung jolo dipaingot ho ibana sahali manang dua hali; [31†]

¹¹ai diboto ho do, naung marbalik situtu sisongon i jala diulahon dosa, atik pe naung ditorui rohana ibana. [32†] III.

¹²Ia dung husuru si Artemas dohot Tikikus tu ho, pahatop ma ro mandapothon ahu tu Nikopolis, ai disi do ahu naeng mian di taon ngali. [33†]

¹³Haringkothon ma paborhathon si Jenas, siboto patik i, dohot Apollos; unang hurangan nasida di agia aha! [34†]

¹⁴Naeng ma diguruhon angka donganta, mangkapadothon angka ulaon na denggan, sumarihon na ringkot pangkeon; unang so marparbue nasida! [35†]

¹⁵Na manongos tabi tu ho saluhut donganku. Pasahat ma tabinami tu angka na marholong ni roha di hami, di bagasan haporseaon. Didongani asi ni roha i ma hamu saluhutna!