Read Batak Toba HEBER 13 Bible Online

HEBER 13 - Batak Toba bible

HEBER 13

¹I. [1] Manongtong ma holong ni roha di dongan! [179†]

²Unang halanggushon hamu partamueon; ai marhite sian i hea do ditamuei halak angka surusuruan, so pamotoanna. [180†]

³Ingot hamu ma angka na tarhurung, songon na rap tarhurung; songon i angka na tumaon na porsuk, ai dohot do hamu di bagasan daging. [181†]

⁴Sangap ma pardongansaripeon di na saluhut, jala unang ramun parsaoran pardongansaripeon; ai uhumon ni Debata do angka parmainan dohot pangalangkup. [182†]

⁵Unang ma marholong ni roha di hepeng pangalahomuna; hasabamhon hamu ma na adong! Ibana sandiri do mandok: “Sandok na so tadingkononku do ho; sandok na so pasombuonku do ho!” [183†]

⁶Asa tung pos rohanta mandok: Tuhan i do pangurupi di ahu, ndang mabiar ahu; aha ma bahenon ni jolma tu ahu? [184†]

⁷Ingot hamu ma angka na manguluhon hamu, na paboahon hata ni Debata tu hamu; ujung ni pardalanannasida ma bereng hamu, jala tiru hamu ma haporseaonnasida! [185†]

⁸Ia Jesus Kristus, songon i nantoari, songon i sadari on, laos i do ro di salelenglelengna! [186†]

⁹Unang ma olo hamu elaelaon ni poda na ragam jala na lain! Ai patut do marhitehite asi ni roha gabe togu roha, ndada marhitehite parpanganon, na so marguna di angka na mangaradotisa. [187†]

¹⁰Adong do di hita langgatan; ndang marhuaso manganhon sian i angka na marhalado di undungundung i. [188†]

¹¹Ai dibalian ni parsaroan i do ditutung sibuk ni angka dorbia, dung diboan sintua ni malim mudar i tu bagasan bilut na badia, ala ni dosa. [189†]

¹²Songon i do nang Jesus: Dibalian ni harbangan i do Ibana marsitaonon, asa diparbadiai bangso i marhitehite mudarna sandiri. [190†]

¹³Dibahen i, tadapothon ma Ibana tu balian ni parsaroan i, mamorsan haleaonna i! [191†]

¹⁴Ai ndang adong di hita dison huta na hot; alai dilului rohanta do na ro sogot. [192†]

¹⁵Marhitehite Ibana ma tapelehon tongtong tu Debata pelean pujipujian, i ma parbue ni bibir, angka na marhatopothon Goarna. [193†]

¹⁶Alai unang ma lupa hamu, mambahen na denggan dohot mangulahon asi ni roha; ai dihalomohon Debata do angka pelean na songon i. [194†]

¹⁷Tangihon hamu ma angka na manguluhon hamu jala oloi hamu ma nasida! Ai nasida do manjagai tondimuna, laos nasida do maralus sogot; naeng ma marlas ni roha nasida disi, unang mardongan hoihoi, ai ndang ulimuna i. [195†]

¹⁸Tangiangkon hamu ma hami! Ai pos do rohanami, na so pola solsolan ni panggora ni roha i hami, ala huringkoti hami marparange na denggan di na saluhut. [196†]

¹⁹Alai lam huapoi ma hamu mangulahon i, asa anggiat tumibu ahu dipatongon muse tu hamu.

²⁰Alai Debata Sipardame i, na manogihon sian angka na mate Siparmahan bolon ni angka birubiru i, marhitehite mudar ni padan sisalelenglelengna i, i ma Tuhanta Jesus; [197†]

²¹Ibana ma patauhon hamu di nasa ulaon na denggan, mangulahon lomo ni rohana, ai dipatupa do di bagasan hamu na tau lomo ni rohana marhitehite Jesus Kristus! Di Ibana ma hasangapon i ro di salelenglelengna! Amen. II.

²²Alai huapoi ma hamu, angka dongan, jangkon hamu ma si paingot i; ai jempek do husurathon tu hamu.

²³Boto hamu ma, naung malua donganta, si Timoteus. Anggo tibu ibana ro, naeng rap hami marnida hamu.

²⁴Dok hamu ma tabi tu saluhut gurumuna, nang tu angka na badia saluhutna! Manongos tabi do tu hamu angka dongan na sian Italia.

²⁵Didongani asi ni roha i ma hamu saluhutna!