Read Batak Toba HEBER 3 Bible Online

HEBER 3 - Batak Toba bible

HEBER 3

¹I. [1] Onpe, ale angka dongan na badia, partohap di panjouon na sian banua ginjang i, bereng hamu ma Jesus i, i ma apostel jala sintua ni malim na taparhatopot i! [23†]

²Haposan do Ibana maradophon na pabangkithon Ibana, songon si Musa di sandok bagasna i. [24†]

³Alai gumodang do hasangapon dietong tu Ibana, asa tu si Musa, mangihuthon surung ni hamuliaon na tu sipauli bagas asa tu bagas i.

⁴Ai ganup bagas, adong do na paulihonsa; alai sipauli saluhutna, Debata do.

⁵Anggo si Musa nian, haposan do di sandok bagasna i, songon parhobas, laho mangkatindangkon na naeng baritahononhon dope.

⁶Alai anggo Kristus i, songon Anak sigomgom bagasna; hita do bagasna, anggo gomos tatiop ro di ujungna hiras ni roha, na mangasahon ni hinirim i. [25†] II.

⁷Dibahen i, songon na nidok ni Tondi Parbadia i: “Sadari on, di na binegemuna soarana,” [26†]

⁸“unang ma papir hamu rohamuna, songon nasida na tangkang i di ari pangunjunan di halongonan i!” [27†]

⁹“Ai disi diunjuni angka amamuna Ahu, jala dipaujiuji, atik pe diida nasida angka ulaonki opatpulu taon lelengna.”

¹⁰“Dibahen i muruk do Ahu mida na sansundut i jala hudok: Tongtong do lilu rohanasida. Alai ndang ditanda nasida angka dalanku,”

¹¹“pola maruari Ahu di rimashi: Na so tupa bongotannasida paradiananki!” [28†]

¹²Matahon hamu ma, ale angka dongan, so tung tardapot di manang ise pe sian hamu roha na jahat, na so porsea, na manundali Debata na mangolu i!

¹³Alai masiapoan ma hamu ganup ari, saleleng tardok dope sadari on, unang tung gabe pir roha ni manang ise sian hamu, hinorhon ni dosa na paotootohon! [29†]

¹⁴Ai nunga gabe partohap di Kristus hita, anggo gomos tatiop ro di ujungna pos ni roha, na di hita di mulana i. [30†]

¹⁵Uju i ma didok: “Sadari on, di na binegemuna soarana, unang ma papir hamu rohamuna, songon nasida na tangkang roha uju i!” [31†]

¹⁶Ise do na patangkang rohana, atik pe dibege i? Nda saluhut nasida na tumadingkon tano Misir, tinogihon ni si Musa?

¹⁷Angka ise do dimuruhi Ibana opatpulu taon lelengna? Nda nasida, na mardosa i! Gabe marragean do dagingnasida di halongonan i. [32†]

¹⁸Dompak ise do Ibana maruari, na so tupa nasida masuk tu paradiananna i? Nda dompak angka na so mangoloi! [33†]

¹⁹Asa on do taida: Ala na so porsea i nasida, umbahen na so tarbahensa bongot.