Read Batak Toba JAKOBUS 3 Bible Online

JAKOBUS 3 - Batak Toba bible

JAKOBUS 3

¹I. [1] Ale angka donganku, unang deak hamu gabe guru; ai taboto do, dumokdok do uhum sijaloonta.

²Ai saluhut hita jotjot marsala; molo adong na so sala di hata, i ma halak na rimpas, na tarbahen mangarantei saluhut dagingna i.

³Molo tabahen rante tu baba ni angka hoda, asa dioloi hita, tatogutogu do sandok dagingna i. [33†]

⁴Angka hopal i pe, atik pe na sai balga jala nionjar ni angka alogo na gogo, dipatongontongon do marhitehite amudi na metmet tungkan lomo ni roha ni juaramudi i.

⁵Songon i do nang dila i: Ruas na metmet do i, alai godang do hatahatana; metmet pe api i, digalahi do tombak na sai balga!

⁶Api do nang dila i, portibi hageduhon; songon i do pangalaho ni dila di tongatonga ni angka ruas ni dagingta, dipahodar do sandok daging i jala dipagalak do panggulmiton ni ngolunta i, dung galak dibahen na roko. [34†]

⁷Ai nasa ragam ni binatang, angka pidong, ulok ro di dengke tarpatunduk do, gabe tunduk dibahen hajolmaon.

⁸Alai ndang tarpatunduk jolma anggo dila i; panjahati na so marpansadian do i, gok bisa hamatean. [35†]

⁹I do ulaulanta mamuji Tuhan i, Amanta; laos i do tapangke mambuburahon jolma, na tinompa marguru tu rupa ni Debata. [36†]

¹⁰Sian sada pamangan do ruar pamujion dohot pamuraion. Ale angka donganku, ndang tama masa songon i!

¹¹Tung adong ma baba ni mual sada, na marbullakkon na tonggi dohot na paet?

¹²Ale angka donganku, tung tarparbuehon antajau ma unte, manang tubu antajau sian hau anggur? Ndang tarpapuas mual na ansim tapian na uli. II.

¹³Ise hamu na bisuk jala na pantas marroha? Sian denggan ni parangena ma dipataridahon ibana angka ulaonna marhitehite halambohon ni habisuhon! [37†]

¹⁴Alai molo ditiop hamu pangiburuon na paet dohot hatongkaron di bagasan rohamuna, unang ma puji hamu dirimuna maralohon hasintongan, huhut margabus! [38†]

¹⁵Ndada i habisuhon na ro sian ginjang; na sian tano do i, sian roha ni jolma, sian sibolis. [39†]

¹⁶Ai ia disi pangiburuon dohot hatongkaron, disi ma hagaoron dohot sandok ulaon hajahaton.

¹⁷Alai anggo habisuhon na sian ginjang i, sandok na bontor do i, olo mardame, lambok, pangoloi, gok asi ni roha dohot parbue hadengganon, dao sian hagangguon nang pangansion.

¹⁸Alai di bagasan dame do disaburhon parbue hatigoran di angka na mangulahon dame i. [40†]