Read Batak Toba JAKOBUS 5 Bible Online

JAKOBUS 5 - Batak Toba bible

JAKOBUS 5

¹I. [1] E hamu angka na mora, tumatangis ma hamu jala mangangguhi managam haporsuhon, na naeng songgop tu hamu. [53†]

²Nunga busuk hamoraonmuna, nunga ngitngiton ulosmuna. [54†]

³Naung tasihon do sere dohot perakmuna, jala sitindangi dompak hamu do tasik i, na manggagat tu sibukmuna songon api. Dipapungu hamu do arta di angka ari na parpudi.

⁴Na maungaung do na nidobomuna, i ma upa ni angka pangula na manggotil angka haumamuna, jala panjouon ni angka panabi, nunga sahat tu pinggol ni Tuhan Sebaot! [55†]

⁵Tarlobi do pargadombusonmuna di tano on, dipamokmok hamu do dirimuna di ari pamotongan. [56†]

⁶Diuhumi dibunu hamu do Partigor i; ndang dialo Ibana hamu! II.

⁷Antong, pabenget hamu ma rohamuna, ale angka dongan, sahat ro di haroro ni Tuhan i! Ai parhauma i pe, dipaimaima do parbue na arga, na sian tano i, jala dihabengethon do, paima dijalo udan manogot nang bodari. [57†]

⁸Hamu pe, marbenget ni roha ma, patogu hamu ma rohamuna, ai donok do haroro ni Tuhan i.

⁹Unang marhoi hamu maralohon hamu, ale angka dongan, asa unang hona uhum hamu. Nunga jongjong di pintu i Panguhum i!

¹⁰Ale angka dongan; angka panurirang, na marjamita marhitehite Goar ni Tuhan i, ma tiru hamu di haporsuhon dohot di habengeton. [58†]

¹¹Taparhatua do angka naung marhabengeton. Dibege hamu do habengeton ni si Job, jala diida hamu do ujung na binahen ni Tuhan i; ai parasiroha bolon do Tuhan i jala partalup ni roha. [59†]

¹²Alai parjolo ni saluhutna, ale angka donganku, unang hamu manolonnolon manang tu parlangitan, manang tu tano on, manang tu panolonan na asing pe; alai hatamuna: Olo, hot ma i olo, ia hata: Ndang hot ma ndang, asa unang madabu hamu tu bagasan uhum. [60†] III.

¹³Molo adong di tongatongamuna na tumaon na porsuk, martangiang ma ibana; molo adong na marlas ni roha, marende ma ibana. [61†]

¹⁴Molo adong na marsahit di hamu, dijou ma angka sintua ni huria i; asa ditangiangkon ibana; didampol ma ibana dohot miak marhitehite Goar ni Tuhan i. [62†]

¹⁵Dung i pangoluon ni tangiang haporseaon i ma na marsahit i, jala paheheon ni Tuhan i ma ibana; sesa ma nang dosana, molo tung adong diulahon. [63†]

¹⁶Antong, masitopotan dosa ma hamu dohot masitangiangan, asa malum hamu. Na margogo situtu do tangiang ni partigor, molo dihaburjuhon.

¹⁷Jolma do si Elia, sabangko dohot hita; gogo do ibana martangiang, unang jolo ro udan; jala ndang ro udan di tano i, tolu taon onom bulan lelengna. [64†]

¹⁸Dung i diulahi ma martangiang, jala dilehon langit i ma udan; dung i dipantubuhon tano i ma parbuena. [65†]

¹⁹Ale angka donganku, molo adong di hamu naung lilu sian hasintongan, gabe adong na manogihon ibana mulak, [66†]

²⁰diboto ma: Na paluahon tondina sian hamatean jala mangkungkupi godang dosa do halak, na manogihon pardosa mulak sian haliluonna i. [67†]