Read Batak Toba 1 PETRUS 5 Bible Online

1 PETRUS 5 - Batak Toba bible

1 PETRUS 5

¹I. [1] Hupaingot ma angka sintua na di tongatongamuna, ahu dongan sintua jala sitindangi di angka haporsuhon na tinaon ni Kristus, huhut partohap di hasangapon sipapataron sogot: [78†]

²Parmahan i hamu ma punguan ni Debata na di hamu, unang songon na pinaksa, sian las ni roha ma mangihuthon Debata; unang ala ni pangomoan hailaon, sian ringkot ni roha ma! [79†]

³Unang ma songon angka na mamaksa natorop; alai gabe tiruan ma hamu di angka na pinarmahan! [80†]

⁴Molo i, jaloonmuna ma tumpal hasangapon na so ra malos i, ia dung gabe patar Parmahan na bolon i. [81†] II.

⁵Laos songon i ma hamu, angka na umposo, unduk ma hamu di angka na tumunggane! Alai saluhutna ma hamu manolukkon haserepon sama hamu, ai dialo Debata do angka na ginjang roha, alai dilehon do asiasi tu angka na serep marroha. [82†]

⁶Antong, patutoru hamu ma dirimuna tutoru ni tangan ni Debata na gogo i, asa dipatimbo hamu di tingkina i! [83†]

⁷Tinggangkon hamu ma nasa na hinolsohon ni rohamuna tu Ibana, ai disarihon do hamu! [84†]

⁸Torang ma rohamuna, dungo ma hamu; na maotaot do alomuna, sibolis i, songon babiat na marauang, mangalului sibondutonna. [85†]

⁹Gomos ma hamu mangalo ibana marhitehite haporseaon; ingot hamu ma: Ndang tarbahen so songgop angka haporsuhon sisongon i, nang tu angka hahaanggimuna na di portibi on. [86†]

¹⁰Alai anggo Debata, nampuna saluhut asi ni roha, naung manjou hamu tu hasangaponna na manongtong i di bagasan Kristus, pauliulionna, pahotonna jala patoguonna do hamu, dung jolo ditaon hamu satongkin haporsuhon i. [87†]

¹¹Di Ibana ma hagogoon ro di salelenglelengna! Amen. [88†] III.

¹²Marhite sian si Silwanus, dongan haposan i, di rohangku, hubahen surat na saotik on tu hamu, mangapoi jala mangkatindangkon, i do sintong asi ni roha ni Debata, hajongjonganmuna. [89†]

¹³Na mandok tabi tu hamu huria na di Babel, na tarpillit rap dohot hita, angkup ni si Markus, anakki. [90†]

¹⁴Masitabian ma hamu huhut masiummaan di bagasan holong ni roha. Dame ma di saluhut hamu, angka na di bagasan Kristus! [91†]