Read Batak Toba PANGUHUM 15 Bible Online

PANGUHUM 15 - Batak Toba bible

PANGUHUM 15

¹I. [1] Alai di laonlaon ni ari, di hamamasa ni gotilon, ditopot si Simson ma muse jolmana, mamboan anak ni hambing sada, jala didok do: Naeng ahu manopot jolmangku tu bilut, hape ndang diloas ama ni parompuan i ibana bongot. [129†]

²Ai ninna amana do: Na hurimpu do naung magigi ho mida ibana, jadi nunga hupamuli ibana tu pedanmu; alai nda ummuli do anggina i sian ibana, ua i ma di ho singkatna. [130†]

³Dung i ninna si Simson ma tu nasida: Lidang do ahu anggo sahalion moradophon halak Palistim, molo hubahen hamagoan tu nasida. [131†]

⁴Dung i laho ma si Simson manangkup tolu ratus antuasu, jala dibuat angka tulbu, dipadomu ma ihur tu ihur, jala dibahen tulbu sada tu holangholang ni na dua antuasu i.

⁵Dung i dinahiti ma angka tulbu i, jala dipalua angka antuasu i tu eme ni halak Palistim na jongjong, gabe gor angka tibalan ro di eme na jongjong dohot hau anggur, nang hau Jetun.

⁶Jadi ninna halak Palistim ma: Ise do ulaning mambahensa? Dung i didok halak ma: Si Simson, hela ni halak Timna i do, ala na binuatna jolmana, jala dipalangkuphon tu pedanna. Jadi nangkok ma halak Palistim, laos dimosokkon nasida ma boruboru i rap dohot amana di bagasan api. [132†]

⁷Alai ninna si Simson ma tu nasida: Molo dibahen hamu songon i; ndang na pasohotonku, nda jolo hutubolhon tu hamu.

⁸Jadi diompongi ma marponggolan haehae dohot gontingnasida marhite sian hataluan bolon. Jadi tuat ma ibana, laos maringan di liang batu Etham. II.

⁹Dung i borhat ma halak Palistim, jala marserak nasida di Juda, jala marseak sahat ro di Lehi. [133†]

¹⁰Alai ninna halak Juda ma: Boasa tung nangkok hamu, naeng mamorangi hami? Jadi ninna nasida ma mangalusi: Naeng manali si Simson do hami, umbahen na nangkok hami, mambahen tu ibana songon naung binahenna i tu hami.

¹¹Jadi tuat ma tolu ribu halak sian Juda tu liang batu Etham, angka didok nasida ma tu si Simson: Ndang diboto ho na ginomgoman ni halak Palistim do hita? Boasa tung songon i bahenonmu tu hami? Gabe didok si Simson ma tu nasida: Suang songon na binahennasida tu ahu, hubahen tu nasida. [134†]

¹²Dung i ninna nasida ma tu ibana: Naeng manali ho do umbahen na tuat hami, laho pasahathon ho tu tangan ni halak Palistim. Jadi ninna si Simson ma mangalusi nasida: Mangmangkon hamu ma tu ahu, paboa na so tupa todosonmuna ahu.

¹³Dung i ninna nasida ma tu ibana songon on: Ndangana, asal naeng talionnami do ho, jala pasahathon tu tangannasida, ndang anggo bunuonnami ho. Jadi dibuat nasida ma dua jorat na imbaru manali ibana, manogihon ibana nangkok sian liang batu i.

¹⁴Sahat ibana ro di Lehi, marsuraksurak ma halak Palistim mandapothon ibana, gabe songgop ma Tondi ni Jahowa tu ibana; ia jorat angka na di pargolanganna i, songon bonang na tinutung di bagasan api, metep boti angka tali i sian tanganna. [135†]

¹⁵Dung i jumpang ibana ma sada osangosang ni halode na rata, laos dipatoltol tanganna manjomputsa, jala dipangalotakkon mambunu saribu halak.

¹⁶Dung i ninna si Simson ma: Marhitehite osangosang ni halode dua parduan parangan, marhitehite osangosang ni halode saribu halak hubunu.

¹⁷Jadi dung tolhas didok songon i, direongkon ma osangosang i sian tanganna, jala digoar hajongjonganna i: Ramat-Lehi.

¹⁸Dung i mauas situtu ma ibana, gabe dijou ma Jahowa, ninna ma: Nunga dilehon Ho tua na sai godang marhitehite tangan ni naposomon, tung mate ma ahu nuaeng bahenon ni uas, jala madabu tubagasan tangan ni halak na marhulup. [136†]

¹⁹Jadi dibola Debata ma dolok batu na di Lehi, gabe ruar sian i aek, jala dung diinum si Simson sumuang ma tondina i, jala mangolu. Ala ni do didok halak goarna: Pansur ni panjou na di Lehi rasirasa sadarion. [137†]

²⁰Dung i diparenta si Simson halak Israel uju di angka ari ni halak Palistim duapulu taon lelengna. [138†]