Read Bawm Chin GENESIS 20 Bible Online

GENESIS 20 - Bawm Chin bible

GENESIS 20

¹Abraham chu Mamre thawk hen Kanaan simlei Kedes leh Sur karah a va um. A nehnûnah Gerar ah a va um le,

²a nupi Sari chu ka farnu asi a ti. Churawhchun, Gerar lalchem Abimelek sinah kalpi hen a um.

³Zân khat chu a mang ah Pathian â langh le, “Hi nunau na lâk mi ruangah na thi lai, pasal a nei mi asi,” a ti.

⁴Sikhawmsele, Abimelek chu nunau kiangah a va kal lo rih, anih nih chun, “LALPA, thil zeikhawm ka sual lo a! Ka mi leh kei zeitin na kan veih awt zia?

⁵Abraham ngelchel khawm nih ka farnu a ti. Sari khawm nih chu hâwi hen a sim, theihfiang hen ka ti mi asi, thilsual ka ti lo,” a ti.

⁶A mang ah hi hâwi hen Pathian nih a sâng. “Asi ngâk, fiang tak hen theih hen na ti mi asi, churuangah ka lakah sual lo ding leh amah chu na tawngh lo ding hen ka nan vêng asi.

⁷Sikhawmsele, tuah nunau chu a pasal sinah khirh nawlh; anih chu khuavâng asi, thla an cham piak lai le, na thih lonâk ding hen. Sikhawmsele, na khirh lo asi chun, nang leh na mi tla an thi ver awt tih kan theihtir,” a ti.

⁸A thâituan zîngtê ah Abimelek nih a rianṭuantu zawzawng tla chu a kawh na le, thil umdân a simh na le, thungâi an lâu.

⁹Chun, Abimelek nih Abraham a kawh le, “Kan lakah zei thil me na ti? Ka tlûnah leh ka ram lakah siatnâk na hawng tlungtir rê ding hen zei thilsual me na lakah ka ti? Ka lakah thil na ti mi hâwi hi âukhawm nih an ti dah lo.

¹⁰Zeiruangah hi hâwi na ti zia?” a ti.

¹¹Abraham nih a sâng le, “Pathian ṭihtu ding hinah hin âukhawm um hen ka ruat lo, ka nupi duh tukah an ka thah lebang lai ka ti ruangah.

¹²Ka farnu khawm asi rerêng. Ka pa fanu tak asi, nu lam chu kanna khat lo, chu hâwi hen kanna um mi asi.

¹³Churuangah ka pa in thawk hen ramdang ah um ding hen Pathian nih hawng ka fial liauah, a sinah, ‘Na unaupa ka si zia mi le nih theih ding hen na simh na ding asi,” ka ti.

¹⁴Chun, Abimelek nih Sari chu Abraham sinah a pêk nawlh le, chu liau lîlâ chun, dawrâ tla, ranrual tla, sal tla a pêk.

¹⁵Abraham sinah, “Hi ka ram pumpi ah hin, na duhnâk ram zawngah um,” a ti.

¹⁶Sari sinah, “Na sinah um mi zawzawng tla sinah na mawh lo zia langhnâk dingah leh mikip nih thilsual na ti lo zia an theih khonâk ding hen na unaupa rangah tangka sâng khat ka pêk,” a ti.

¹⁷Abraham nupi Sari ruangah, LALPA nih Abimelek umnâk ah mi nunau tla zawzawng chu fa nei lo ding hen a siam na. Churuangah Abraham nih Abimelek rangah thla a cham piak le, Pathian nih a lentir rawh. A nupi leh a sal nunau tla zawzawng khawm nih fa an ring kho rawh.