Read Bawm Chin GENESIS 36 Bible Online

GENESIS 36 - Bawm Chin bible

GENESIS 36

¹Hi bang tla hi Esau mawh Edom thlâk tla an si.

²Esau nih Kanaan nunau a umpi: Hit mi Elon fanu Adah; Hiv mi Zibeon fapa Anah fanu Oholibamah,

³Ismael fanu Basemat leh Nebaioth farnu.

⁴Adah nih Eliphaz a ring, Basemat nih Reuel a ring.

⁵Oholibamah nih Jeus, Jalam leh Korah a ring. Hi bang zawng tla hi Kanaan ram ah Esau rangah a ring piak na mi asi.

⁶Esau nih a nupi tla, a fapa tla, a fanu tla leh a in sung khur mi zawzawng, a ranrual zawzawng leh Kanaan ram ah a thil neih zawzawng a put le, a unaupa Jakob sinah mi chu ram dangah a kal rawh.

⁷An panih um ding hen chu ram nih a tlum na lo ruangah a kaltâk na mi asi. Ranrual tamtak an nei ruangah munkhat um kho an si lo rawh.

⁸Esau chu Edom ram tlâng ah a um.

⁹Hi tla hi Edom mi thlâktu Esau thlâk tla an si:

¹⁰Esau nupi Adah nih Eliphaz fapa a ring piak le, Eliphaz nih fapa panga a nei: Teman, Omar, Zepho, Gatam leh Kenaz an si. Nupi dang pakhat Timna hen fapa dang pakhat Amalek an nei. Esau nupi Basemat nih fapa pakhat Reuel a ring le, Reuel nih fapa pali Nahat, Zerah, Samah, Mizah tla hi a nei.

¹⁴Chun Zibeon fapa Anah fanu Esau nupi Oholibamah nih fapa pathum: Jeus, Jalam leh Korah a ring.

¹⁵Hi bang phun tla hi Esau thlâk tla an si: Esau fapa tîr Eliphaz chu hi bang tla thlâktu chu asi: Teman, Omar, Zepho, Kenaz,

¹⁶Korah, Gatam leh Amalek tla an si. Hi bang tla hi Esau nupi Adah nih a ring na mi an si.

¹⁷Esau fapa Reuel chu hi bang phun tla thlâktu asi: Nahat, Zerah, Semah leh Mizah. Hi bang zawng tla hi Esau nupi Basemat nih a ring na mi an si.

¹⁸Hi bang tla hi Esau nupi Oholibamah Anah fanu nih a ring na mi an si: Jeus, Jalam leh Korah.

¹⁹Hi bang zawng tla hi Esau thlâk tla an si.

²⁰Edom ram a tîr thawk hen luahtu tla chu a phun hen anna ṭhen. Seir thlâk tla an zâwt dân hen hi tla hi an si; Hor tla chu: Lotan, Sobal, Zibeon, Anah, Dison, Ezer leh Disan an si.

²²Lotan chu Hori leh Heman phun thlâktu chu asi. (Lotan nih farnu Timna a nei.)

²³Hi tla hi Sobal thlâk tla an si: Alvan, Manahat, Ebal, Sepho leh Onam an si.

²⁴Zibeon nih fapa panih Aiah leh Anah a nei. (Anah hi ramkaro ah a pa sanatung tla a zauhkhenh na liauah tinung vâ a lum mi tawngtu asi.)

²⁵Anah chu Dison pa asi le, Hemdan, Esban, Ithran leh Keran phun thlâktu asi. Anah nih fanu Oholibamah a nei.

²⁷Ezer chu Bilhan, Zaavan leh Akan phun tla thlâktu asi.

²⁸Disan chu Uz leh Aran phun tla thlâktu asi.

²⁹Hi tla hi Edom ram ah Hor phun tla an si: Lotan, Sobal, Zibeon, Anah, Dison, Ezer leh Disan.

³¹Israel lakah âukhawm lalchem an um lânah hi bang lalchem tla hi a sang vima hen Edom ram ah lâirêltu tla chu an si: Bela, Beor fapa Dinhabah khua mi, Zerah fapa Jobab Bozrah khua mi, Husam, Teman ram ah mi, Bedad fapa Hadad Avit khua mi (Moab ram tuknâk ah Midian mi tla a neh na) Samlah, Masrekah khua mi, Shaul, Rehobot tivapi kap khua mi, Akbor fapa Baal Hanan, Pau khua mi Hadad (a nupi chu Mehetabel, Matred fanu Mezahab tunu asi.)

⁴⁰Esau chu hi bang Edom phun tla thlâktu chu asi: Timna, Alvah, Jethet, Oholibamah, Elah, Pinon, Kenaz, Teman, Mibzar, Magdiel leh Iram. An umnâk kip mun min tla chu anmah phun min vima asi.