Read Bawm Chin GENESIS 6 Bible Online

GENESIS 6 - Bawm Chin bible

GENESIS 6

¹Minung chu laikulh zawzawng an hawng khat rawh chun nungâk tla khawm an hawng suak bâk le,

²tlûnlei mi minung tla nih nungâk tla an muh na le, thungâi dawh an ti le, churuangah an duh mi tla an lâk na.

³Chun LALPA nih, “Minung tla chu um kumza ding hen ka siang na awt lo rawh; thi tlâk an si. Tu thawk hen kum 120 lêm an dam lai lo rawh,” a ti

⁴Chubang liau leh a nehnûn tla ah chun tual tlûnah milian tla nunau thlâk tla leh tlûnlei minung tla lakah an thlâk na mi an um. A lânah chun chubang mi tla chu an râlṭha hen an min thungâi a thang.

⁵LALPA nih tual ah mikip zeiliau zawngah an sual zia leh an thinlung dawn a ṭhat lo zia a muh le,

⁶tual tlûnah a siam hen a siah na mi thungâi pawi a ti. A thinlung thungâi a fâk le,

⁷“Hi minung tla leh ram sa tla leh vâ tla ka siam na mi ka sîr tuktarâi, ka veih dep na lai,” a ti.

⁸Sikhawmsele LALPA nih Noa chu a lawmh.

⁹Hi hi Noa thâwngthâng chu asi. Fapa pathum, Sem, Ham leh Japhet a nei. Noa chu sualnâk a nei lo, a dam liauah amah cho mi ṭha asi. Pathian kawmh hen a um.

¹¹Sikhawmsele midang tla chu Pathian mitmuh ah an sual hep le, mun kipah zângnâwr sualnâk hen a khat.

¹²Pathian nih laikulh chu a zauh le, sual ngâi hen a muh, mi zawzawng tla chu sual tak hen an um ruangah.

¹³Pathian nih Noa sinah, “Minung hi dawngtir thlo ding ka tum. Zângnâwr thiltinâk hen laikulh hi an khattir ruangah ka veih dep na awt.

¹⁴Thing ṭha hen nangmah rangah lawng sâi; kardang siam le, fâr thlîng hen a sung a lêng nalh rawh.

¹⁵A dung chu feet 450 hen siam le, a kauh lei chu feet 75 hen, chun a sâng lei chu feet 45.

¹⁶Lawng chu a tlûn siam le, a tlûn leh a sîr lât dân chu feet inchi 18 si seh. Lawng chu chuanh thum hen siam le, kawtkâ chu a sîr leiah siam.

¹⁷Thil nung zawzawng veih dep ding hen tual tlûnah buanso ka tlungtir awt. Tual tlûnah thil zawzawng a thi ver lai.

¹⁸Sikhawmsele nang sinah lam chun thudân ka tuk lai le, na nupi hen, na fapa tla leh an nupi tla hen lawng sungah lût u.

¹⁹Nung ding hen ram sa leh vâ tla, a nunau leh a mipa a bawp vima hen lawng sungah khumh na.

²¹Na rangah leh an rangah ei ding zât kip siah ver,” a ti.

²²Noa nih Pathian nih a sim mi zawzawng chu a ti ver.