Read Bawm Chin 1 Lal 7 Bible Online

1 Lal 7 - Bawm Chin bible

1 Lal 7

¹Solomon nih a in a sak le, kum leithum â tawk.

²Lebanon tumun ah mi lal in chu a dung feet 150, a vâng feet 75, a sânglei 45 asi. Sidar thing tung tlar thum an phun le, tlar khat ah leinga vima, chunah sidar thing kân an thâng. A in tlûn tang chuanh khawm sidar thing asi, thil khawngnâk mun tiang a uap hep, chubang tla chu a tung nih a tleihtir hep.

⁴Khatlei vâm panih ah langawtkawt pathum vevê a um.

⁵Inkhâr leh a langawtkawt chu kil li hen siam asi, vâm leh a kawtkâ tla chu â zâwn hep.

⁶A in tung chu a sâulei feet 75, a vâng lei feet 45 sârbûk a nei, chu chu a tung nih a tleihdîr.

⁷Laltophah umnâk mun chu lâirêlnâk mun an ti. Chunah chun Solomon nih lâi a rêl; a ṭuang leh a kuaiber khawm sidar thing phel asi.

⁸Solomon amah umnâk mun chu a lâirêlnâk dunglei ah in dang tla hâwi hen a sak. Chu hâwitê hen a nupi Aigupta lalchem fanu rangah in a sak piak bâk.

⁹Chubang in tla chu lâirêlnâk in rêlsih hen, a lungphûm thawk hen a tlûnlei a dawng tiang hen lung a ṭha mi zât hen sak asi. Chubang lung tla chu a chawhnâk ah timhtuah zet hen tah zet hen an tan le, a lênglei leh a sunglei thing lahnâk hen milh mi asi.

¹⁰A lungphûm chu a chawhnâk mun ah lian pipi hen siam mi asi, a zeimaw mi chu feet 12 sâu hen a dang tla chu a sâulei feet 15 asi.

¹¹A tlûnlei dawnghnâk ah lung dang tla chu tah set hen tan asi, sidar kân tla khawm chu hâwi ber hen tah chia asi.

¹²Lâirêlnâk inkulh sung chu Biakin kulh sung leh Biakin tualmâi tla nih lung sâi mi pathum lakah sidar thing kân pakhat vima sak asi.

¹³Lalchem Solomon nih Tura khuapi mi dâr dêng lakah mi zungthiam Huram a kawh.

¹⁴A pa chu a dam sâwt chiam lo, amah chu Tura khuapi mi asi le, dâr leikângah mi zungthiam tak asi. A nu chu Naphtali phun ah mi asi. Huram chu zungthiam leikângah mi krai thiam tak asi. Dâr leikâng rianṭuan zawzawng ah hotu si ding hen Solomon sâwmnâk chu â âwi.

¹⁵Huram nih dâr tung panih a siam le, a sânglei chu feet 27 vevê, a lianh lei tah hen feet 18, chu chu Biakin tualmâi ah a siah.

¹⁶Dâr lianpi panih a siam, a sâng leikâng chu feet 7.5 vevê asi, chu chu dâr tung pârah siah ding mi chu asi.

¹⁷A tung lû kip chu thîr chikchîn hen ṭial reren hen thuamh asi.

¹⁸Dâr hen pomegranate lem tlar nih an siam.

¹⁹A munpi chem tla chu lili hâwi hen thuamh mi feet 6 sâng hen siam asi,

²⁰chun chikchîn hen mi tlûnlei ah hêl dak mi hen siah asi. Munpi chem kip ah pomegranate zanih, tlar nih hen hêl dak hen a um.

²¹Huram nih dâr tung panih chu Biakin lûtnâk tualmâi ah a phun; simlei kângah mi pakhat chu a min Jakin asi, marlei kângah mi pakhat min chu Boaz asi.

²²Lili hâwi hen mi dâr lubo chu a tung pârah an siah. Chu hâwi hen a tung tla chu siam thluh asi.

²³Huram nih dâr hen mâihûm bial chuar hen a siam le, a thûk leikâng chu feet 7.5 asi, a kâ kauh lei chu feet 15 asi, a lianh lei chu feet 45 asi.

²⁴Mâihûmpi tlâng sîr hêl dak hen dâr hen rah lem an siam, chu kûkulul chu tlar nih hen a tâw thawk hen êr sih asi.

²⁵Chu mâihûm chu dâr chawchal lem leinih tlûnah an toh, chu dâr chawpê lem chu pathum vima hen sim, mar, sak leh thlang hawi chiau hen an um.

²⁶Chu dâr mâihûm tlâng sah zia chu inchi 3, a tlâng chu hâi tlâng hâwi asi, a lênglei chu lili chawmpâr hâwi hen an ṭialh; chu mâihûm lakah a tlum kho zat chu litre sâng sâwmli mawh gallon singkhat tluk asi.

²⁷Huram nih dâr hen kari kê parâ a siam, a sâu leikâng feet 6, a lianh leikâng feet 6, a sâng leikâng feet 4.5 asi.

²⁸Thingtlêng kil li hen siam asi,

²⁹chu lak chun chakeibaknei lem tla, chawchal tla, leh thilnung thla lem siam asi, a kâwp tlûnlei leh tanglei ah chakeibaknei leh chawchal lem tla an thleih.

³⁰A kari kê kipah a renhnâk a um, a ki pali kipah mâihûm tohnâk ding hen dâr tung siam asi, a sâr ah chun zauhtirnâk lem an thleih.

³¹Chu mâihûm tlâng sîr hêl dak hen a kâwp an siam. A kê kual tlûn thawk hen chun tlûnlei kângah a fawng inchi 18, a tanglei kângah inchi 7, a kiang hêl dak hen banhnâk a nei.

³²Chu a kê kual chu inchi 25 asi, a kari kê tla chu a tanglei kângah a um le, a thlûng hen â tlâi.

³³A kê kual chu kan kê kual hâwi asi; a thlûng, a tlâng, tung, a kari kê lâi tla chu dâr hep asi.

³⁴A kari tanglei ah a ki kipah a doh pali a um.

³⁵A kari kual kip tlûnlei ah hêl dak hen a banhnâk a um, a kari kual chu inchi 9 tluk a lian, a vâm hen a doh hen a kari kual chu pakhat hâwi hen â tlâi hep

³⁶A doh leh a vâm tla chu thilnung thla, chakeibaknei tla leh tûm kûng lem hen thuamh asi, hêl dak hen chu lem tla chu an thleih.

³⁷Chu hâwi hen chun kari tla chu bang ver hen a mê a lian siam ver an si.

³⁸Huram nih mâihûm parâ a siam, kari kipah mâihûm pakhat vima. Mâihûm kip chu a kauh dân feet 6 asi, litre zariat a tlum.

³⁹Biakin simlei kângah kari panga, marlei kângah panga a siah, chu mâihûm chu sim saklei ki ah a siah.

⁴⁰Huram nih bêl tla, vachâm rûtnâk tla, khêng tla, a siam. Lalchem Solomon leh LALPA Biakin rangah a rianṭuan chu a lîm rawh. Hi bang tla hi a siam mi tla chu an si: A tung panih A tung pârah toh ding mi khêngkûm panih A tung pârah chikchîn hen thuamh mi a lubo Dâr pomegranate zali, zâ vima hen tlar nih a lû sîp hêl dak hen siam mi Kari parâ Mâihûm parâ Mâihûmpi pakhat Chawchal leinih mâihûmpi phurhtu Bêl tla, vachâm rûtnâk tla leh khêng tla Hi bang ruakhâu zawzawng hi Biakin rang ver asi, lalchem Solomon rangah Huram nih a siam mi chu dâr hen thuamh mi ver asi.

⁴¹

⁴²

⁴³

⁴⁴

⁴⁵

⁴⁶Jordan Vakuam ah Sukot leh Zarethan mun ah thil siamnâk mun chu lalchem nih â ting rawh.

⁴⁷Solomon nih dâr rih tla a khingh lo, a tam tuktarâi ruangah a rit zat khawm theih a tum lo.

⁴⁸Solomon nih Biakin rangah ngûn thil-le-rî khawm a nei: mâichâm, Pathian sinah ap mi sang siahnâk dawhkân,

⁴⁹khawnvâr toh mi parâ Mun Thenhlimh Chem ah toh mi, panga chu simlei kângah, panga chu marlei kângah; chawmpâr tla, khâwnvâr tla, châicheh tla;

⁵⁰hâi tla, khâwnvâr mûm tla, khêngkûm tla, rimthâw duahnâk khêng tla, meiṭil rûtnâk khêng tla, Mun Thenhlimh Chem kawtkâ rangah kawpza tla leh Biakin lênglei kawtkhâr rang kawpza tla. Chubang thuamthil tla chu ngûn hen siam mi ver asi.

⁵¹Lalchem Solomon nih Biakin rianṭuan zawzawng a lîm rawh chun Biakin ah mi thil siahnâk ah a pa David nih LALPA rangah a ap mi thil tla, ngûn, tangka leh thildang tla chu a siah.