Read Bawm Chin 1 CHRONICLES 11 Bible Online

1 CHRONICLES 11 - Bawm Chin bible

1 CHRONICLES 11

¹Israel mipi zawzawng tla chu Hebron ah David sinah an kal le, a sinah, “Kannih chu nangmah taksa leh thisen tak kan si.

²A lânah kan lalchem Saul a dam liau khawmah râltuknâk ah Israel tla nangmah nih na rui na le, LALPA na Pathian nih a mi tla ruitu leh lâirêltu rang siding hen thu a nan tiamh rawh,” an ti.

³Churuangah Israel ruitu zawzawng chu lalchem David sinah Hebron ah an hawng rawh. Anmah tla hen tlâinâk thenhlimh a siam le, LALPA nih Samuel mang hen thu a tiamh rawh hâwi hen. Sariak an thuh le, Israel lal a hawng si rawh.

⁴Lalchem David leh Israel tla chu Jerusalem khuapi ah an kal le, an do rawh. Chu liau chun Jerusalem chu Jebus mi an si, chunah chun an um nget rih.

⁵Jebus mi tla nih David rangah khuapi sungah a lût kho rêng lai lo an ti le, sikhawmsele Zion kulh chu David nih a lâk le, “David khuapi” ti hen a um rawh.

⁶David nih, “Jebus mi thah masachemtu chu kawrsen hotu asi lai,” a ti. Zeruiah fapa Joab nih a do le, hotu ah a hawng um rawh.

⁷David chu kulh sungah um ding hen a kal ruangah “David khuapi” ti hen sak asi.

⁸Chu khuapi chu a sak nawlh, saklei tlâng tual a khahnâk thawk hen anna dawmh le, Joab nih khuapi chu a remh nawlh rawh.

⁹David chu a sinah LALPA zeizawng tikho a um ruangah a chak dadauh vima.

¹⁰Hi hi David kawrsen tla minthang rîn mi asi. Israel mi zawzawng tla nih ṭangpi hen LALPA nih thu a tiamh mi hâwi hen lal ah a hawng um le, a lalram chu chak tak hen an kilkâwi.

¹¹A masachem mi chu Hakmon thlâk lakah mi Jasobeam chu “Pathum” lakah hotu asi. Anih nih chun a fei tuknâk rân khat lakah minung zathum a thah na.

¹²Minthang “Pathum” sangtu chu Ahoh thlâk lakah mi Eleazar Dodo fapa asi.

¹³Anih chu Pas Dammim tlâng lampi ah Philistia mi tuknâk mi David leiah ṭang hen a do. Israel tla an tek liauah Barley fâng phâisen ah a um,

¹⁴a mi tla hen fâng mun lâi ah an dîr le, Philistia tla chu an do na. LALPA nih nehnâk rokual tak a pêk.

¹⁵Ni khat chu kawrsen sâwmthum ruitu minung pathum chu David umnâk Adulam pûk kiangah Philistia murui chu Rephaim ruam ah anna kulh mi leiah an kal.

¹⁶Chu liau tak chun David chu tlângah mi kulh ah a um le, a zeimaw mi murui Philistia tla nih Bethlehem chu an luah.

¹⁷David nih in lei a theih vung le, “Bethlehem kulh kawtkâ kiangah tikhurchawh lakah mi tî âu nih mawh hawng ka than piaktu um sele ka duh a!” a ti.

¹⁸Kawrsen râlṭha pathum nih zângran hen Philistia riaknâk an tâwn phêt le, tikhurchawh mi tî chu an va than le, David sinah an hawng put. Sikhawmsele, a din duh lo; LALPA sinah ap hen a thlêt.

¹⁹“Hi hâwi mi tî hi ka din kho ding asi lo! Hi minung tla an nungnâk pêktu thî din mi hâwi ka si awt!” a ti. Churawhchun a din duh lo. Hi hi kawrsen râlṭha pathum thilti chu asi.

²⁰Joab unaupa Abisai chu “Minung sâwmthum” tla ruitu asi. Anih nih a fei hen minung zathum a do le, a thah na, “Sâwmthum” lakah minthang a lawh.

²¹Anih chu “Sâwmthum” lakah minthang chem mi asi. Anmah ruitu a hawng si le, sikhawmsele minung “Pathum” hâwi tluk hen chun a min a thang lo.

²²Kabzeel ah um mi, Jehoiada fapa Benaiah chu kawrsen minthang tak asi; râlṭha tak hen thil tamtak a ti, Moab mi râltuk thiam tak panih khawm a thah na. Veikhat chu vûr tlâk liau chir ah khur sungah mi chakeibaknei a thah.

²³Aigupta mi minung lian tak feet sarih leh chanve hen a sâng mi fei lian tak puttu khawm a thah. Benaiah nih Aigupta mi chu vuakfung hen a do le, a kut ah mi fei a suh zek le, amah thahnâk ah a mang.

²⁴Chu chu Benaiah nih râlṭhatnâk hen thil a ti mi chu asi. Churuangah “Sâwmthum” lakah mi râlṭha asi.

²⁵Amah chu “Sâwmthum” lakah sâng dauh mi asi, sikhawmsele, “Pathum” hâwi tluk rak chu asi lo. David nih amah vêngtu ding hen a siah.

²⁶Hi bang tla hi kawrsen sâng dauh tla an si: Joab unaupa Asahel Bethlehem khua mi Dodo fapa Elhanan Harod ah mi Shamoth Pelet ah mi Helez Tekoa ah mi Ikes fapa Ira Anathoth ah mi Abiezer Husah ah mi Sibekai Ahoh ah mi Ilai Netophah ah mi Maharai Netophah ah mi Baanah fapa Heled Benjamin ram ah Gibeah khua mi Ribai fapa Ithai Pirathon ah mi Benaiah Gaas vakuam kiangah mi Hurai Arbah ah mi Abiel Bahurum ah mi Asmaveth Saalbon ah mi Eliahba Gizon ah mi Hasem Harar ah mi Sage fapa Jonathan Harar ah mi Sakar fapa Ahiam Ur fapa Eliphal Mekerah ah mi Hepher Pelon ah mi Ahijah Karmel ah mi Hezro Ezbai fapa Naarai Nathan unaupa Joel Hagri fapa Mibhar Amon ah mi Zelek Beeroth ah mi Joab râlthuam puttu Naharai Jatir ah mi Ira leh Gareb Hit ah mi Uriah Ahlai fapa Zabad Siza fapa Adina (Reuben phun leh amah kawrsen sâwmthum ruitu) Maakah fapa Hanan Mithan ah mi Josaphat Asterah ah mi Uzia Aroer ah mi Hotham fapa tla Samma leh Jeiel Tiz mi Simri fapa tla Jediael leh Joha Mahavah ah mi Eliel Elnaam fapa tla Jeribai leh (...)