Read Bawm Chin 1 CHRONICLES 14 Bible Online

1 CHRONICLES 14 - Bawm Chin bible

1 CHRONICLES 14

¹Tura lalchem Hiram hen David chu sawlehnâk ah tlâinâk an nei le, sidar thing tan tum, lung siamtu tla, lal in saktu mistri tla a pêk.

²Chun, David nih LALPA nih chun Israel lal asi nâk chu birhtir hen a mi leh tla rangah a lalram khawm tluang tak hen a siam ti a theih.

³Jerusalem ah David nih nupi dang tla leh fapa leh fanu dang tamtak a nei.

⁴Hi bang hi Jerusalem ah suak mi tla an si: Samua, Sobab, Nathan, Solomon,

⁵Ibhar, Elisua, Elpelet,

⁶Nogah, Nephek, Jophia,

⁷Elisama, Beeliada leh Eliphelet.

⁸Philistia mi tla nih David chu Israel pumpi ah lal ah siam asi ti an theih rawh chun, an kawrsen tla chu amah va do ding hen an kal. David khawm anmah tla hen va a tawng ding hen a suak bâk.

⁹Philistia tla chu Rephaim ah an hawng tleng le, rûn ding anna dawmh rawh.

¹⁰David nih Pathian a deih le, “Philistia mi tla ka do na lai ma? Nehtu ah na ka siam lai ma?” a ti. LALPA nih a sâng le, “Do rawh! Nehnâk kan pêk lai!” a ti.

¹¹David nih Baal Perazim ah a do na le, a neh na rawh. Anih nih chun, “Pathian nih mêlma kawrsen tla chu tîlian hâwi hen fenhtu ah hawng ka mang,” a ti. Churuangah chu mun chu Baal Perazim a ti.

¹²Philistia tla an tek rawh chun an milem tla an mâk le, David nih duah hep ding hen thu a pêk na.

¹³Sâwtlotê ah Philistia mi tla nih chu kuam ber ah chun rûn ding anna dawmh nawlh.

¹⁴David nih sângtu Pathian chu a deih nawlh le, Pathian nih, “Hi thawk hen chun do lah, sikhawmsele hêl na le, varâl leiah thing rimthâw kûng thawk hen do na ding hen a timhtuah.

¹⁵Chu thing pâr ah kal hâu na theih chun do na ko, Philistia kawrsen tla neh na ding hen keimah ka hawng mi asi ruangah,” a ti.

¹⁶Pathian nih a simh mi hâwi hen David nih a ti le, Philistia tla chu Gibeon thawk hen Gezer tiang a nâwr na.

¹⁷Ram kipah David chu a min a thang le, LALPA nih phun zawzawng amah a ṭihtir na.