Read Bawm Chin 1 CHRONICLES 2 Bible Online

1 CHRONICLES 2 - Bawm Chin bible

1 CHRONICLES 2

¹Jakob nih fapa leinih a nei: Reuben, Simeon, Levi, Juda, Isakar, Zebulun,

²Dan, Josef, Benjamin, Naphtali, Gad leh Aser.

³Juda nih a ektê hen fapa panga a nei. A nupi Kanaan mi nunau Bathshua hen pathum an nei: Er, Onan leh Selah. A fapa upachem mi Er chu a sual tuktarâi ruangah LALPA nih a thah ving.

⁴Juda nih a monu Tamar hen fapa panih Perez leh Zerah a nei rih.

⁵Perez nih fapa panih a nei: Hezron leh Hamul.

⁶A unaupa Zerah nih fapa panga a nei: Zimri, Ethan, Heman, Kalkol, leh Darda.

⁷Karmi fapa Akan, Jerah thlâk tla lakah pakhat nih râltuknâk ah Pathian sinah ap mi thil a lâk ruangah Israel lakah siatnâk a tlungtir.

⁸Ethan nih fapa pakhat Azariah a nei.

⁹Hezron nih fapa pathum a nei: Jerahmeel, Ram leh Kaleb.

¹⁰Ram thawk hen Jese tiang anna thlâk dân chu hi hâwi asi: Ram, Aminadab, Nason (Juda phun lakah mi chungnung dauh asi),

¹¹Salmon, Boaz,

¹²Obed leh Jese.

¹³Jese nih fapa pasarih a nei: Kum lei ruat hen a sang vima hen: Eliab, Abinadab, Samah,

¹⁴Nethanel, Radai,

¹⁵Ozem leh David.

¹⁶Fanu panih khawm a nei, Zeruiah leh Abigail. Jese fanu Zeruiah nih fapa pathum a nei: Abisai, Joab, Asahel.

¹⁷A fanu dang Abigail chu Jether hen anna umh le, amah chu Ismael thlâk asi. Fapa an nei le, a min chu Amasa asi.

¹⁸Hezron fapa Kaleb nih Azubah a umpi le, a fanu a min Jerioth a nei; fapa pathum a nei: Jeser, Sobab leh Ardon.

¹⁹Azubah thih nûnah Kaleb nih Efrat a umpi le, a fapa a min Hur an nei.

²⁰Hur fapa chu Uri asi, a tupa chu Bezalel.

²¹Hezron chu kum sâwmruk a tling liauah Makir fanu, Gilead farnu a umpi, fapa an nei le, a min chu Segub asi.

²²Segub nih fapa a nei le, a min chu Jair asi. Jair nih Gilead ram ah mi khuapi kul leh pathum lakah lâi a rêl.

²³Sikhawmsele, Gesur leh Aram ram ah khua sâwmruk, Jair khua leh Kenat leh a kiangkam mi khua rêlsih hen an lâk. Chunah um mi minung tla chu. Gilead pa Makir thlâk tla an si.

²⁴Hezron thih nûnah a fapa Kaleb nih a pa nupi rauh Efrat a umpi. Fapa an nei le, a min chu Asur asi, chu chu Takoa khua dirhtu asi.

²⁵Hezron fapa upachem mi Jerahmeel nih fapa panga a nei: Upachem mi Ram, Bunah, Oren, Ozem leh Abijah.

²⁶Ram nih fapa pathum anei: Maaz, Jamin leh Eker. Jerahmeel nih nupi dang Atarah a nei le, fapa Onam a nei.

²⁷

²⁸Onam nih fapa panih a nei le, Samai leh Jada. Samai khawm nih fapa panih a nei, Nadab leh Abisur an si.

²⁹Abisur nih nunau pakhat Abihail a umpi le, fapa panih Ahban leh Molid an nei.

³⁰Abisur unaupa Nadab nih fapa panih a nei, Seled leh Apaim; sikhawmsele Seled chu fapa neilo hen a thi.

³¹Apaim chu Ishi pa asi le, Ishi chu Sesan pa asi. Sesan chu Ahlai pa asi.

³²Jada, Samai unaupa nih fapa panih a nei le, Jether leh Jonathan an si; sikhawmsele Jether chu fa neilo hen a thi asi.

³³Jonathan nih fapa panih a nei le, Peleth leh Zaza an si, chu tla chu Jerahmeel thlâk tla an si.

³⁴Sesan nih fapa a nei lo, fanu cho a nei. Aigupta mi to-aw pakhat Jarha a nei le,

³⁵chu hen chun a fanu pakhat hen a umhtir na. Fapa an nei le, a min chu Atai asi.

³⁶Atai thawk hen Elisama tiang an thlâk dân chu hi hâwi asi: Atai, Nathan, Zabad,

⁴¹Jekamiah leh Elisama.

⁴²Jerahmeel unaupa Kaleb fapa upachem min chu Mesa asi. Mesa chu Ziph pa asi, Maresa pa chu Ziph asi. Hebron pa chu Maresa asi.

⁴³Hebron nih fapa pali a nei: Korah, Tapuah, Rekem leh Sema.

⁴⁴Sema chu Raham pa, Jorkeam pu asi. Rekem chu Sema unaupa chu

⁴⁵Samai pa asi, Samai chu Maon pa asi, Maon chu Bethzur pa asi.

⁴⁶Kaleb nih nupisûn a min Ephah a nei, chu hen fapa pathum dang a nei: Haran, Moza leh Gazez an si. Haran khawm nih fapa Gazez a nei bâk.

⁴⁷(Minung pakhat a min Jahdai an ti mi nih fapa paruk a nei: Regem, Jotham, Gesan, Pelet, Ephah leh Saap.)

⁴⁸Kaleb nih nupisûn dang a nei le, Maakah nih fapa panih a ring piak, Seber leh Tirhanah an si.

⁴⁹A nehnûnah fapa panih a ring piak: Saap, Madmanah khua tuahtu leh Sevah, Makhenah leh Gibea khua tuahtu an si. Chu lo khawmah Kaleb nih fanu a min Aksah a nei.

⁵⁰Hi bang tla khawm hi Kaleb thlâk an si: Hur chu Kaleb fapa upachem asi, a nupi chu Efrat asi. Hur fapa Sobal nih Keriath Jearim khua a tuah.

⁵¹A fapa panihnâk Salma nih Bethlehem khua a tuah, a fapa pathumnâk Harep nih Bethgader khua a tuah.

⁵²Sobal, Keriath Jearim khua tuahtu chu Haroeh mi tla thlâktu asi, chu lakah a khingkhuai chu Menuhot tla an si le,

⁵³Keriath Jearim ah umtu chi leh kuang tla chu hi bang an si: Ith tla, Puth tla, Sumat tla, leh Misra tla, (Zorah khuapi mi minung tla leh Estaol mi tla chu hi tla thlâk an si.)

⁵⁴Bethlehem khua tuahtu Salma chu Netophat, Atroth Beth Joab leh Zor tla Manahath ah um mi tla chi nih lakah pakhat thlâktu asi.

⁵⁵(Hi bang tla hi Jabez khua ah um mi tla lasuirîn leikângah mi thiam tla an si: Tirat, Simea leh Sukat tla hi. Anmah chu Kenit mi Rekab mi tla nupi pasal anna lâk mi tla an si.)