Read Bawm Chin 1 CHRONICLES 24 Bible Online

1 CHRONICLES 24 - Bawm Chin bible

1 CHRONICLES 24

¹Aron thlâk murui tla chu hi tla hi an si: Aron nih fapa pali a nei: Nadab, Abihu, Eleazar, Ithamar.

²Nadab leh Abihu lam chu an pa lânah an thi le, thlâk an nei lo, churawhchun Ithamar leh Eleazar chu bâwlpu ah an hawng um.

³Lalchem David nih Aron thlâk chu an rianṭuan hâwi hen a murui vima hen a ruat na. Chu lakah chun Eleazar thlâk Zadok leh Ithamar thlâk Ahimelek nih an ṭangpi.

⁴Eleazar thlâk tla chu murui leiruk hen siam asi, Ithamar thlâk chu murui riat hen siam asi, chu chu Eleazar thlâk lakah mipa dâwngsungkhur lukhâi an tam dauh ruangah.

⁵Eleazar leh Ithamar thlâk lakah Biakin zauhkhenhtu leh thlarau leiah ruitu an um ruangah an rianṭuannâk chu chamchawh hen ruat piak an si.

⁶Eleazar leh Ithamar thlâk chu a leh vima hen chamchawhnâk siam asi. Levi lakah mi lasuirîntu Nathanael fapa Semaiah nih a rîn vima na. Chu lakah lal, a rianṭuantu tla, bâwlpu Zadok, Abiathar fapa Ahimelek, bâwlpu murui dâwngsung lakah a lû dauh tla leh Levi dâwngsungkhur tla chu theihpitu an si.

⁷Hi hi dâwngsungkhur kul leh pali lakah an rianṭuan sang vima hen ruat mi minung tla chu an si: 1. Jehoiarib 2. Jedaiah 3. Harim 4. Seorim 5. Malkijah 6. Mijamin 7. Hakkoz 8. Abijah 9. Jeshua 10. Sekaniah 11. Eliasib 12. Jakim 13. Hupah 14. Jesebeab 15. Bilgah 16. Imer 17. Hezir 18. Hapizez 19. Pethahiah 20. Jehezkel 21. Jakin 22. Gamul 23. Delaiah 24. Maaziah

¹⁹Hi bang minung tla hi, anmah thlâktu Aron, LALPA, Israel tla Pathian thupêk zûltu nih Biakin ah kal hen an rianṭuan ting mi tla a ruat piak na hâwi vima hen rîn asi.

²⁰Hi bang tla hi Levi thlâk dâwngsungkhur lakah a lukhâi dauh dang tla chu an si! Jehdeiah, Sebuel thawk hen Amram thlâk asi.

²¹Isiah chu Rehabiah thlâk asi.

²²Jahath chu Selomith thawk hen Izhar thlâk asi.

²³Jeriah, Amariah, Jehaziel leh Jekameam tla hi an kum sang vima hen Hebron fa tla an si.

²⁴Samir chu Mikah thawk hen Uziel thlâk asi.

²⁵Zekaria chu Mikah unaupa Isiah thawk hen Uziel thlâk asi.

²⁶Mahli, Musi, Jaaziah chu Merari thlâk an si.

²⁷Jaaziah nih fapa pathum a nei: Soham, Zakur leh Ibri an si.

²⁸Mahli nih fapa panih a nei: Eleazar leh Kis Eleazar nih fapa a nei lo, sikhawmsele Kis nih pakhat Jerahmeel a nei.

³⁰Musi nih fapa pathum a nei: Mahli, Eder leh Jeremoth. Hi tla hi Levi dâwngsungkhur an si.

³¹Dâwngsungkhur kipah lukhâi an si mi tla leh a naupa pakhat chu an rianṭuan chamchawh hen an rianṭuan ruat piak an si, Aron thlâk bâwlpu an unau tla an ti piak mi hâwi hen. Lalchem David, Zadok, Ahimelek leh dâwngsungkhur lakah a lukhâi dauh bâwlpu leh Levi tla chu theihpitu an si.