Read Bawm Chin 1 CHRONICLES 7 Bible Online

1 CHRONICLES 7 - Bawm Chin bible

1 CHRONICLES 7

¹Isakar nih fapa pali a nei: Tola, Puah, Jasub leh Simron.

²Tola nih fapa paruk a nei: Uzi, Rephaiah, Jeriel, Jahmai, Ibsam leh Semuel. Tola thlâk chu dâwngsungkhur lû dauh leh kawrsen minthang an si. Lalchem David dam liauah an thlâk tla chu sîngnih leh sângnih leh zaruk an um.

³Uzi nih fapa pakhat Izrahiah a nei. Izrahiah leh a fapa pali tla Mikael, Obadiah, Joel leh Isiah tla chu dâwngsungkhur tla lû dauh ver an si.

⁴Nupi tamtak leh fa tamtak an nei le, an thlâk tla lakah mi chu kawrsen rianṭuantu ding hen sîngthum leh sângruk an pêk kho.

⁵Isakar phun rînnâk bu lakah râltuk kawrsen leikângah tlâk mi viâl sîngriat leh sângsarih an tling.

⁶Benjamin nih fapa pathum a nei: Bela, Beker leh Jediael.

⁷Bela nih fapa panga a nei: Ezbon, Uzi, Uziel, Jerimoth leh Iri. Dâwngsungkhur lakah a lû dauh leh kawrsen leikângah mi minthang ver an si. Kawrsen ah mang tlâk tla telh hen an thlâk tla chu sîngnih leh sângnih leh sâwmthum leh pali an si.

⁸Beker nih fapa pakua a nei: Zemirah, Joash, Eliezer, Eleoenai, Omri, Jeremoth, Abijah, Anathoth, Alemet an si.

⁹An thlâk tla dâwngsungkhur rînnâk lakah mi sîngnih leh zanih chu kawrsen rianṭuan leikângah tlâk mi an si.

¹⁰Jediael nih fapa pakhat Bilhan a nei, Bilhan nih fapa pasarih a nei: Jeus, Benjamin, Ehud, Kenaanah, Zethan, Tarsis leh Ahisahar.

¹¹An thlâk tla dâwngsungkhur lakah lû dauh leh kawrsen leikângah mi minthang hep an si. An thlâk tla chu kawrsen ah an tlâk mi rêlsih hen sîngkhat leh sângsarih leh zanih an si.

¹²Supim leh Hupim khawm hi phun ber an si. Dan nih fapa pakhat Husim a nei.

¹³Naphtali nih fapa pali a nei: Jahziel, Guni, Jezer leh Salum. (Bilhah thlâk tla asi.)

¹⁴Manaseh nih a nupisûn, Aramean phun ah mi hen fapa Asriel leh Makir a nei. Makir chu Gilead pa asi.

¹⁵Makir nih Hupim leh Supim rangah nupi a lâk piak na. A farnu min chu Maakah asi. Makir fapa panihnâk chu Zelophehad asi, fanu tla cho a nei.

¹⁶Makir nupi Maakah nih fapa panih a ring, Peres leh Seres. Peres nih fapa panih Ulam leh Rakem a nei.

¹⁷Ulam nih fapa pakhat a nei le, a min chu Bedan asi. Chubang zawzawng tla chu Manaseh tupa Makir fapa Gilead thlâk tla an si.

¹⁸Gilead farnu Hamoleket nih fapa pathum a nei: Ishod, Abiezer leh Mahlah.

¹⁹(Semida nih fapa pali a nei: Ahian, Sekem, Likhi leh Aniam.)

²⁰Hi hi Efraim thlâk tla anna thlâk dân chu asi: Suthelah, Bered, Tahath, Eleadah, Tahath,

²¹Zabad, Suthelah an si. Efraim nih Suthelah lo khawmah fapa dang panih a nei: Ezer leh Elead, Gath ram ah um mi tla ranrual fîr ding an tum liauah an thah na mi tla an si.

²²An pa Efraim nih ni tamtak a sûn na le, a unau tla nih thlangamh ding hen a sinah an kal.

²³Chun, a nupi chu a ihpi nawlh le, fapa pakhat a nei, an dâwngsung lakah nawknâk a hawng tlung ruangah a min ah Beriah an sak.

²⁴Efraim nih fanu Sheerah a nei. Anih nih chun a tlûn mi leh a tang mi khua Beth Horon leh Uzen Sheerah a dirh.

²⁵Efraim nih fapa a min Rephah a nei le, a thlâk tla chu hi bang tla an si: Resep, Telah, Tahan,

²⁶Ladan, Amihud, Elisama,

²⁷Nun, Josua.

²⁸Ram an lâk hen an umnâk chu Bethel leh a kiangkam mi khua tla, saklei kângah Naaran tiang, thlanglei kângah Gezer leh a kiangkam mi khua tiang asi. Sekem leh Aiah khuapi leh a kiangkam mi khua tla telh sih asi.

²⁹Manaseh thlâk tla nih Beth Shean khuapi tla Taanak, Megida leh Dar khua leh a kiangkam ah mi khua tla chu an thuneihnâk tangah an siah. Hi bang zawzawng hi Jakob fapa Josef thlâk tla umnâk asi.

³⁰Hi tla hi Aser thlâk tla an si. Fapa pali a nei: Imnah, Isvah, Isvi leh Beriah; fanu pakhat Serah hen.

³¹Beriah nih fapa panih a nei: Heber leh Malkiel an si. (Malkiel nih Birzaith khuapi a dirh.)

³²Heber nih fapa pathum a nei: Japhlet, Somer, leh Hotham leh a fanu pakhat Sua hen.

³³Japhlet khawm nih fapa pathum a nei: Pasak, Bimhal leh Asvath.

³⁴A unaupa Somer nih fapa pathum a nei: Rohgah, Jehubah leh Aram.

³⁵A unaupa Hotham nih fapa pali a nei: Zophah, Imna, Seles leh Amal.

³⁶Zophah thlâk tla chu Suah, Harnepher, Shual, Beri, Imrah,

³⁷Bezer, Hod, Samma, Silsah, Ithran, leh Beera an si.

³⁸Jether thlâk tla chu: Jephuneh, Pispa, leh Ara an si.

³⁹Ulla thlâk tla chu Arah, Haniel leh Rizia an si.

⁴⁰Hi zawng tla hi Aser thlâk tla an si. Dâwngsungkhur lakah a lû tla an si, râltuk kawrsen minthang leh ruitu lakah minthang dauh tla an si. Aser thlâk tla lakah mi sîngnih leh sângruk chu kawrsen râltuk thiam mi telh sih hen an tling.