Read Bawm Chin 2 CHRONICLES 29 Bible Online

2 CHRONICLES 29 - Bawm Chin bible

2 CHRONICLES 29

¹Hezekiah chu Juda lal asi liauah kum kul leh kum nga asi liauah Jerusalem ah kum kul leh kum ku a rêl. A nu chu Zekariah fanu Abijah asi.

²A thlâktu lalchem David umdân zûl hen LALPA lawmhkâng hen thil a ti.

³Hezekiah lal asi nûn a kum khat thla khat nûnah Biakin kawtkâ chu a awng nawlh le, a tharh.

⁴Bâwlpu leh Levi tla chu Biakin saklei kângah a pumh na le, chunah chun an sinah thu a sim.

⁵“Nannih Levi tla, nan man a thenhlimhtir ule, LALPA nan thlâktu Pathian Biakin thenh u. Thil nâwmtâm zawzawng lawnh ver u.

⁶Hawng kan thlâktu chu LALPA kan Pathian lakah zumhkâilo tak hen an um le, a duh lo kâng hen thil an ti. LALPA umnâk mun chu dunglei sît hen an kaltâk.

⁷Israel Pathian Biakin chu an khâr le, mei khawm a chêu lo, rimthâw leh thilduah ap mi khawm an ap lo.

⁸Hi ruangah hin LALPA chu Juda leh Jerusalem tlûnah a thinthawk le, ṭihnâk leh lâunâk mikip sinah a tlungtir. Hi bang tla hi fiang tak hen nan theih asi.

⁹Kan pa tla chu raltuknâk ah thah hen an um le, kan nupi leh kan fa tla chu sal ah put hen an um.

¹⁰LALPA Israel Pathian hen tuah thudântuknâk siam ka tum, kan lak ah a thin a thawk lo rawhnâk ding hen.

¹¹Ka fapa tla, tik hi veih salam lah u. Nannih hi a sinah rimthâw duah ding leh amah sawnhnâk ah zapi tla ruitu tla ruitu ding ah thîm nan si a ti na.

¹²Hi bang Levi tla hi chunah chun an um: Kohat thlâk lakah mi, Amasai fapa Mahath leh Azariah fapa Joel Merari thlâk lakah mi, Abdi fapa Kis leh Jehalelel fapa Azariah. Gerson thlâk lakah mi, Zimnah fapa Joah leh Joah fapa Eden. Elizaphan thlâk lakah mi, Simri leh Jeuel. Asap thlâk lakah mi, Zekariah leh Mattaniah. Heman thlâk lakah mi, Jehuelleh Shimei. Jeduthun thlâk lakah mi, Semaiah leh Uziel.

¹⁵Hi bang tla hi an hâwi Levi tla hen anna pûm le, dân hâwi hen anna thenhlimhtir. Churawhchun lalchem nih thu a pêk na mi hâwi hen LALPA dân lakah mi hâwitê hen Biakin thenh chu anna dawmh rawh.

¹⁶Bâwlpu tla chu thenh ding hen a sungah an va lût le, thil thianglo zawzawng chu Biakin lênglei kulh ah an suah hep. Chunah mi chu Levi tla nih khuapi lênglei Kidron Vakuam ah an put.

¹⁷Rianṭuan chu a thla khatnâk a ni khat ni ah anna dawmh le, Biakin tualmâi kardang hen a ni riat ni ah anna lîm. A ni riat dangah an ṭuan nawlh le, chu thla ni leiruk tiang, Biakin Pathian sawnhnâk timhtuah lîm tiang hen.

¹⁸Levi tla nih lalchem Hezekiah sinah hi thu tla hi an va sim: “Biakin chu a dân hâwitê hen kan thenh hep rawh le, thil ap duahnâk ding mâichâm, sang thenhlimh siahnâk dawhkân leh a thuamthil zawzawng khawm.

¹⁹Lalchem Ahaz nih Pathian lakah zumhkâilo tak hen a um liauah a lawnh ver mi thuamthil khawm kha kan siah nawlh ver rawh, kan ap rawh. LALPA mâichâm kiangah a um hep,” an ti.

²⁰Sâwtlotê ah lalchem Hezekiah nih khuapi mi ruitu tla a pumh na le, anmah tla hen a rual hen Biakin ah an va kal.

²¹Lal dâwngsung leh Juda mi tla leh Biakin thiangtir ding hen dawrâ fa pasarih, chawchal pasarih, dawrâ pasarih, kêl pasarih an put. Lalchem nih Aron thlâk bâwlpu tla chu ran tla chu bâwlnâkah mâichâm ah ap ding hen a simh na.

²²A masachem hen bâwlpu tla nih chawchal tla an thah le, churawhchun dawrâ, khanah dawrâ fa tla bâwlnâk ah mang mi thî chu mâichâm tlûnah an theh.

²³A dawnghnâk ah kêl tla chu lalchem leh sawnhtu tla sinah an kêl tla tlûnah an kut thâng ding hen an kalpi.

²⁴Lalchem nih thu a pêk mi hâwi hen bâwlpu tla nih mi zapi le sual veihnâk ding bâwlnâk ding hen kêl tla an thah le, mâichâm tlûnah an thlêt le, Israel mi zawzawng duahphung thil ap leh sual ruang thil ap an pêk.

²⁵Lalchem nih lal khuavâng Gad mang hen lalchem David sinah LALPA nih sîntirnâk a pêk mi leh khuavâng Nathan mang hen a pêk mi thu zûl hen Levi tla chu Biakin ah, ṭingṭang leh chêngchêng put hen,

²⁶a lânah lalchem David nih a mang na mi hâwi ziatê hen a umtir na. Bâwlpu tla khawm chunah tâwtawrâwt put hen an dîr.

²⁷Hezekiah nih thil duah ap mi chu pêk ding hen thu a pêk na le, chu bâwlnâk thil ap anna dawmh rawh chun zapi tla chu LALPA sawrnâk la an sak le, tumphung tumtu tla nih an tâwtawrâwt leh thil dang zawzawng an tum.

²⁸Chunah um mi zawzawng chu thurual hen an sawnh le, bâwlnâk zawzawng ap thluh tiang hen lasaktu leh tumtu tla khawm an ti vima.

²⁹Churawhchun lalchem Hezekiah leh mi zawzawng chu anna siksidîr le, Pathian an sawnh.

³⁰Lal leh phun ruitu tla nih Levi tla chu Asap la phuah David nih a rîn mi sawrnâk la LALPA sinah sak ding hen an simh na. Churawhchun mikip nih lâwm tak hen la an sak le, siksidîr hen Pathian an sawnh.

³¹Hezekiah nih zapi tla sinah, “Tu chun dân hâwi hen nanna thenhlimh rawh le, LALPA sinah lâwmthu simnâk thil ap bâwlnâk hawng put u,” a ti na. Chu hâwi hen anna âwi le, mah duh thu hen bâwlnâk ah ap ding hen ran tla an hawng put.

³²Chawchal sâwmsarih, dawrâ zâ, dawrâ fa zanih LALPA sinah duahphung thil ap rangah an hawng put le,

³³a dang chawchal zaruk leh dawrâ sângthum zapi rangah ei ding hen bâwlnâk rangah an hawng put.

³⁴Chubang zawzawng ran tla thah ding hen bâwlpu tla anna tinh lo le, Levi tla nih rianṭuan lîm tiang an bawmh na. Thenhlimhnâk leikângah chun bâwlpu ngâk hen an kermê dauh asi. (Levi tla chu thenhlimhnâk leikângah bâwlpu ngâk hen zumhkâi hen an um.)

³⁵Duahnâk bâwlnâk lakah zapi tla ei ding mi bâwlnâk thâu duah ding mi lakah tawih ding uain hâng an hawng pêk mi tla lakah bâwlpu tla nih mawhphurhnâk an nei. Churawhchun Biakin ah Pathian sawnh chu dawmh nawlh asi rawh.

³⁶Pathian nih chubang zawzawng rang tak hen ti kho ding hen a ṭangpi na ruangah lalchem Hezekiah leh zapi minung tla thungâi anna lâwm.