Read Bawm Chin Ezra lasuibu 10 Bible Online

Ezra lasuibu 10 - Bawm Chin bible

Ezra lasuibu 10

¹Ezra chu Biakin tualmâi ah ṭap bû leh sual thutluang vâwr hen thla a cham liauah, Israel mi zapi tla mipa, nunau tla, ngâksia tla a kiangah an hawng a pûm le, ngaihsia tak hen an ṭap.

²Jehiel fapa Sekaniah, Elam chi lakah mi nih Ezra sinah, “Phundang nunau tla hen umhnâk ruangah Pathian lungnâk chu râwk rawh menza khawmsele, Israel mi tla rangah lungumnâk a um nget rih.

³Hi bang nunau leh an fa tla hi nar phin hen Pathian sinah tuah thutiam bir tak kan nei ding asi. Pathian ṭih leh zahtu tla nih thu hawng kan pêk mi hâwi hen kan ti lai. Pathian Dân nih ti ding hawng kan ruat mi chu kan ti lai.

⁴Chu chu nan ti ding mi tak chu asi. Kannih nan dunglei ah kan um lai le, nannih mâilei ah kal hen ti u,” a ti.

⁵Churawhchun Ezra nih bâwlpu lakah ruitu tla Levi lakah mi leh mi zapi dang tla zawzawng nih Sekaniah nih a ruat mi hâwi hen ti ding hen thutiamnâk an nei.

⁶Churawhchun Pathian Biakin tualmâi ah mi chu Eliasib fapa Jehohanan umnâk ah a va kal le, chunah chun sal tâng tla zumhkâilonâk thu ah lungfâk tak hen chunah zân khat a va riak.

⁷Thuchah chu sal kîr tla zawzawng sinah zapi minung ruitu tla thupêk hen Jerusalem ah a tawng ver ding hen an kuat.

⁸Âuzawng chu ni thum karah kal lotu chu a thilneih rêng piak hen zapi lakah tel khonâk a nei lo rawh.

⁹Ni thum kar nûnah thla kuanâk a ni kul ni ah Juda leh Benjamin ram ah um mi zawzawng chu Jerusalem ah an hawng le, Biakin mâiah anna pûm rawh. Ruah thungâi a tuk le, a dâi ruangah chu pûmnâk herh tak lakah mikip an thir.

¹⁰Bâwlpu Ezra chu a dîr le, an sinah thu a sim le, “Ramdang nunau nan umpi ruangah Pathian lakah zumhnâk neilo hen Israel lakah sualnâk nan tlungtir.

¹¹Tuah nan thlâktu tla LALPA Pathian sinah, amah lawmhtir ding hen nan sual tla thutluang vâwr u. Kan ram ah ramdang mi tla lakah a thliar ule, ramdang mi nupi neih bâng u,” a ti.

¹²Zapi minung tla nih âu bû hen an sâng le, “Na sim mi vial chu kan ti lai,” an ti.

¹³Chu lo khawmah, “Zapi chu an tam tuktarâi le, ruah tâ nih thungâi a tuk, hi hâwi hen lênglei ah kan dîr kholo rawh. Ni khat leh ni nih karah ti salam ding asi lo rawh, kan lakah mi tamtak chu hi sualnâk ah tel mi kan si ruangah.

¹⁴Kan rianṭuantu tla chu Jerusalem ah um hen hi thunawk hi anmah nih ruat na seh. Âuzawng ramdang nunau umpitu vial chu a tik ruat mi lakah kal na sele, chu rual ber chun ruitu tla leh khua lakah lâirêltu tla khawm kal na bâk seh. Chu tikah hi Pathian thinthawknâk mun ah mi hi a bâng lai rawh,” an ti.

¹⁵Asahel fapa Jonathan leh Tikvah fapa Jahzeiah, Meshullam leh Levi mi Sabethai ṭangpitu tla cho lo nih chun âukhawm nih chu thu chu an êl lo.

¹⁶Sal tâng kîr mi tla nih riruatnâk chu an zûl le, Bâwlpu Ezra nih mi tla chu phun tla hotu tla lakah mi a thîm na le, an min tla a rîn. A thla rânâk a ni khat ni ah thu deihnâk an dawmh le,

¹⁷a thla nawlh mi a thla thum karah ramdang nunau leh mipa umh thu chu an deihfiang khap na.

¹⁸Hi bang tla hi ramdang mi umpitu tla an rîn na mi chu asi: Bâwlpu anmah chi dân hâwi a rîn hen: Josua chi leh a unaupa Jehozadak fapa tla: Maaseiah, Eliezer, Jarib leh Gedaliah.

¹⁹An nupi tla mâk ding hen thu an tiam le, an sual ruangah dawrâ chal bâwlnâk ah an ap.

²⁰Imer phun: Hanani leh Zebadiah

²¹Harim chi: Maaseiah, Elija, Semaiah, Jehielleh Uziah.

²²Pasur phun: Elioenai, Maaseiah, Ismael, Nethanel, Jozabad leh Elasah.

²³Levi phun: Jozabad, Shimei, Kelaiah, (Kelita khawm an ti) Pethahiah, Juda leh Eliezer

²⁴Tumphung tumtu murui: Eliasib Biakin vêngtu tla: Salum, Telem leh Uri.

²⁵Midang tla: Parosh phun lakah mi: Ramiah, Iziah, Malkijah, Mijamim, Eleazar, Malkijah leh Benaiah.

²⁶Elam phun lakah mi: Mataniah, Zekariah. Jehiel, Abdi, Jeremoth leh Elija.

²⁷Zatu phun: Elioenai, Eliasib, Mataniah, Jeremoth, Zabad leh Aziza.

²⁸Bebai phun: Jehohanan, Hananiah, Zabai leh Athlai.

²⁹Bani phun: Meshullam, Maluk, Adaiah, Jasub, Sealleh Jeremoth.

³⁰Pahath Moab phun: Adna, Kelal, Benaiah, Maaseiah, Mataniah, Bezalel, Benui leh Manaseh.

³¹Harim phun: Eliezer, Isijah, Malkijah, Semaiah, Shimeon, Benjamin, Maluk leh Semariah.

³³Hasum phun: Matenai, Matatah, Zabad, Eliphelet, Jeremai, Manaseh leh Shimei.

³⁴Bani phun: Maadai, Amram, Uel, Benaiah, Bedeiah, Keluhi, Vaniah, Meremoth, Eliasib, Mata-niah leh Jaasu.

³⁸Binui phun: Shimei, Selemiah, Nathan, Adaiah, Maknadebai, Sasai, Sarai, Azarel, Selemiah, Semariah, Salum, Amariah leh Josef.

⁴³Nebo phun: Jeiel, Matithiah, Zabad, Zebina, Jadai, Joel leh Benaiah.

⁴⁴Hi bang zawzawng nih ramdang mi nupi ah an nei. An mâk na le, an fa tla hen an nar ving na.