Read Bawm Chin Ezra lasuibu 8 Bible Online

Ezra lasuibu 8 - Bawm Chin bible

Ezra lasuibu 8

¹Hi bang tla hi lal lianchem Artakzerzes lal asi liauah Babulon ah sal tâng hawng kîr mi tla chi khat lakah a lukhâi dauh tla chu an si:

²Gersom chu Phinehas lakah lukhâi dauh asi. Daniel chu Ithamar chi lakah lukhâi dauh asi. Sekaniah fapa Hatus chu David chi lakah a lukhâi asi. Zekariah, Paros chi lakah a lukhâi chu amah chi tla minung zâ leh sâwmnga hen (an thlâktu tla rînnâk a um.) Zekariah fapa Eliehoenai, Pahat Moab chi lakah minung zanih lakah a lukhâi dauh asi. Jahaziel fapa Sekaniah chu Zatu chi minung zathum lakah a lukhâi dauh asi. Jonathan fapa Ebed chu, Adin chi minung sâwmnga lakah a lukhâi dauh asi. Athaliah fapa Jesaiah chu Elam chi sâwmsarih lakah a lukhâi dauh asi. Mikael fapa Zebadiah chu Sephatiah chi minung sâwmriat lakah a lukhâi dauh asi. Jehiel fapa Obadiah chu Joab chi minung zanih leh leiriat lakah a lukhâi dauh asi. Josiphiah fapa Selomith chu Bani chi minung zâ leh sâwmruk lakah a lukhâi dauh asi. Bebai fapa Zekariah chu Bebai chi minung kul leh pariat lakah a lukhâi dauh asi. Hakatan fapa Johanan chu Azgad chi minung zâ leh parâ lakah a lukhâi dauh asi. Eliphelet, Jeuel leh Semaiah chu Adonikam chi minung sâwmruk (a(...)

¹⁵Ahava khua leiah a luang mi tiva lampi chawh kiangah zapi minung zawzawng chu ka pumh na. Chunah chun ni thum kanna kulh. Zapi minung lakah bâwlpu tla chu ka muh na le, khawmsele Levi tla lam chu ka muh na lo.

¹⁶Ruitu dauh pakua Eliezer, Ariel, Semaiah, Elnathan, Jarib, Elnathan, Nathan, Zekariah leh Meshullam, chun sîntirtu rangah mi panih Joiarib leh Elnathan ka fial na.

¹⁷Ido, Kasiphia ah um mi tla lakah a lukhâi dauh leh a hâwi tla Biakin rianṭuantu tla sinah Biakin ah; Pathian rianṭuantu ah mi hawng fial na ding hen va simh na ding hen ka fial na.

¹⁸Pathian zângfahnâk ruangah mi mang tlâk tak Serebiah Mahli chi, Levi thlâk lakah mi leh a fapa tla leh a unau tla leiriat tla hen kan sinah an hawng fial na.

¹⁹Hasabiah leh Jesaiah Merari chi lakah mi an unau minung kul tla hen an hawng fial fâwn.

²⁰Chu lo khawmah Biakin rianṭuantu zanih leh kul an thlâktu tla lalchem David leh a rianṭuantu tla nih Levi tla ṭangpitu rang dingah an ruat na rawh mi an um. Chu tla chu an min rîn ver an si.

²¹Tî lampi chawhnâk mun Ahaviah ah, kan Pathian mâika ah thinlung nâu tak a buh ngei ding hen leh kan kalnâk ding lampi tluan hen kan neih leh kan fa tla hawng kan kilkâwi ding hen Pathian sinah ngiarnâk thu ka suah.

²²Kawrsen rang tlûnah chuan mi murui kan kalnâk ah hawng kan vêng ding hen lal deih ding ka ningzak; a sinah kan Pathian nih amah rinhsantu âuzawng mal a sâwm na le, amah lawmhtirlotu leh hawitâktu lam chu âuzawng a rêp na ti hen ka simh rawh ruangah.

²³Churawhchun buh kan ngei le, a sinah thla kan cham le, kan thlachamnâk chu hawng kan sâng rawh.

²⁴Bâwlpu lakah ruitu Serebiah, Hasabiah leh midang parâ ka thîm na.

²⁵Churawhchun ngûn, tangka, khêng leh bêl Biakin ah mang ding hen lal leh a krai pêktu tla, a rianṭuantu tla leh Israel tla nih an pêk mi chu ka khingh le, bâwlpu tla rangah ka pêk na.

²⁶Ka pêk na mi chu hi bang tla hi asi: tangka - 22 metric ton 100 tangka khêng leh bêl - 70 kilogramme ngûn - 3,400 kilogramme 20 ngûn khêngkûm - 8.4 kilogramme 2 dâr khêngkûm-ngûn khêng hen a sung dân â tluk mi tla hen.

²⁸An sinah, “Nannih chu LALPA a nan thlâk natu Pathian lakah thenhlimhtir nan si rawh le, churuangah tangka leh ngûn khêng leh bêl tla hi LALPA Pathian sinah thinlung duh thu pêk ding rangah ap u.

²⁹Biakin ah nan va siah lân lo chu fîmkhur tak hen kilkâwi u. Jerusalem ah mi bâwlpu kardang ah thlâi ule bâwlpu leh Levi ruitu tla leh Jerusalem ah Israel ruitu tla kut ah ap na u,” ka ti na.

³⁰Churawhchun bâwlpu leh Levi tla nih Jerusalem Biakin ah kalpi ding hen ngûn leh tangka leh khêng leh bêl mawhphurhnâk chu an lâk rawh.

³¹A thla khatnâk ni leinih ni ah Jerusalem khua leiah kal ding hen Ahava tî lampi chawh chu kan kaltâk rawh. Kan Pathian nih hawng kan dotu mêlma leh kan kalnâk ah hawng kan bawhtu tla lakah hawng kan hum.

³²Jerusalem ah kan va tlung rawh chun ni thum kanna dîn.

³³Churawhchun a ni li ni ah Biakin ah kan va kal le, tangka leh ngûn leh khêng leh bêl tla kan khingh le bâwlpu Uriah fapa Meremoth kut ah kan ap. Chu sinah chun Phinehas fapa Eleazar leh Levi panih Jeshua fapa Jozabad leh Binui fapa Noadiah an um.

³⁴Chu liau chun thil zeizawng khingh ver hen singsiahnâk lakah lîm dak hen rîn asi.

³⁵Sal thawk hen hawng kîr mi zawng tla nih chun Israel Pathian sinah duah mi bâwlnâk an ap. Israel mi tla rangah chawchal 12, dawrâ 96, dawrâ fa 77 an ap. An sual tlenh ding hen kêl 12 khawm an ap. Chu zawng ran tla chu LALPA sinah bâwlnâk rangah an duah hep.

³⁶Lal lianchem lasuirîn khawm Eufretis thlanglei mi lâirêltu leh rianṭuantu sinah an pêk le, annih tla nih mi zapi an Biakin ah sawnhnâk nei ding hen an ṭangpi na.