Read Bawm Chin NEHEMIAH 11 Bible Online

NEHEMIAH 11 - Bawm Chin bible

NEHEMIAH 11

¹Ruitu tla chu Jerusalem ah an um le, midang tla vial chu dâwng râ ah dâwng khat vima hen Jerusalem khuapi thenhlimh ah um ding hen chamchawhnâk an nei, a dang vial chu khuapi dang tla leh khua lian dauh ah an um.

²Mah duh thu hen Jerusalem ah um tumtu tla chu mi nih an sawr.

³Israel lakah mi bâwlpu tla, Biakin rianṭuantu tla leh Solomon to-aw thlâk tla chu anmah khuapi leh a lian dauh tla ah an um. Juda ram ṭhen lakah khuapi minung ruitu Jerusalem ah um mi tla chi hi bang tla hi an si:

⁴Juda thlâk lakah mi thurêltu tla: Uziah fapa Athaiah, Zekaria tupa. Amah thlâktu dang tla, Amariah, Sephatiah, Mahalalel, Juda fapa Parez thlâk tla an si.

⁵Baruk fapa Maaseiah, Kolhozeh tupa. A thlâktu dang tla, Hazaiah, Adaiah, Joiarib, leh Zekaria, Juda fapa Selah thlâk tla an si.

⁶Parez thlâk lakah mi, mi fâifîm dauh 468 Jerusalem ah an um.

⁷Benjamin phun lakah mi thurêltu tla: Meshullam fapa Sallu, Joed tupa. A thlâktu dang tla, Pedaiah, Kolaiah, Maaseiah, Ithiel leh Jesaiah an si.

⁸Gabai, Sallai, Sallu unau tla: An ektê hen, Benjamin phun Jerusalem ah um mi vial chu 928 an si.

⁹Zikri fapa Joel chu an hotu asi le, Hasenuah fapa Juda chu khuapi lakah a sangtu asi.

¹⁰Bâwlpu tla: Joiarib fapa Jedaiah leh Jakin.

¹¹Hilkiah fapa Seraiah, Meshullam tupa. A thlâktu dang tla Zadok, Meraioth, Bâwlpu Lian Ahitub hen.

¹²Chu chi lakah mi Biakin ah rianṭuantu chu 822 an si, Jeroham fapa Adaiah, Pelaliah tupa. A thlâktu tla: Amzi, Zekaria, Pasor, leh Malkijah hen.

¹³Dâwngsungkhur chu phun lakah a lukhâi vial 242 an si. Azarel fapa Amasai, Ahzai tupa. A thlâktu tla Mesilemoth leh Imer hen.

¹⁴Hi phun lakah kawrsen ah thîm tlâk dauh ding mi vial 128 an si. An hotu Zabdiel dâwngsungkhur lakah ruitu asi.

¹⁵Levi tla: Hasub fapa Semaiah, Azrikam tupa. A thlâktu tla Hasabiah leh Buni hen.

¹⁶Sabethai leh Jozabad, Biakin lenglei rianṭuan ah Levi lakah mi chungnung dauh an si.

¹⁷Mika fapa Mataniah, Zabdi tupa, Asap thlâk nih chun Biakin lasaktu leh lâwmthusimnâk ah a rui na. Bakbukiah chu Mataniah ṭangpitu asi. Samua fapa Abda, Galal tupa Jeduthun thlâk asi.

¹⁸A ektê hen, Jerusalem khuapi thenhlimh ah Levi um mi vial chu 284 an si.

¹⁹Biakin vêngtu tla: Akub, Talmon, leh an unau tla hen 172 an si.

²⁰Israel mi dang tla leh bâwlpu leh Levi dang tla chu Juda ram mi anmah khuapi leh khua lian dauh ah an um.

²¹Biakin rianṭuantu tla chu Jerusalem khua mun pakhat Ophel an ti mi lakah an um le, Ziha leh Gispa nih an ho na.

²²Levi leh Jerusalem ah um mi tla chu Bani fapa Uzi, Hasabiah tupa asi. A thlâktu tla chu Mataniah leh Mika, Asap thlâk tla an si, chu phun tla chu Biakin rianṭuan tumphung chu an mawhphurh asi.

²³Nisiar hen Biakin tumphung leikângah anna thlâkthleng ding dân lal dân siam a um.

²⁴Mesezabel fapa Pethahiah, Zerah thlâk, Juda phun ah mi chu Israel zapi ruangrûl ah Persia lâirêlnâk mun ah a um.

²⁵Mi tamtak chu an phâisen kiangah mi khua lian tla ah an um. Juda phun tla chu Keriath Arba, Dibon leh Jekabzeel ah leh khuapi kiangah mi khua tênâu tla lakah an um.

²⁶Jeshua khuapi, Moladah, Bethpelet,

²⁷Hazarsual, Bersheba leh a kiangkam mi khuatê nâu lakah an um.

²⁸Ziklak khuapi tla ah Mekonah khuatê nâu lakah,

²⁹Enrimon, Zorah, Jarmut,

³⁰Zanoah, Adulam khuapi kiangah mi khuatê nâu lakah an um. Phâisen kiangah mi Lakis leh khuatê nâu tla lakah an um. An phâisen kiangah mi Lakis khua leh Azekah leh khuatê nâu lakah an um, chu chu simlei kângah Bersheba leh marlei kângah Hinom Vakuam kar lakah um mi tla chu Juda mi tla an ti na.

³¹Benjamin phun tla chu: Geba, Mikmas, Ai, Bethel leh a kiangkam khuatê tla,

³²Anathoth, Nob, Ananiah,

³³Hazor, Ramah, Gitaim,

³⁴Hadid, Zeboim, Nebalat,

³⁵Lod leh Ono mi Zungthiam Vakuam umnâk ah an um.

³⁶Levi murui Juda ram ah um mi tla chu Benjamin mi tla sinah um ding hen ruat an si.