Read Bawm Chin JOB 11 Bible Online

JOB 11 - Bawm Chin bible

JOB 11

¹Hi hâwi theihnâk a nei lo mi hi âukhawm nih a sâng awt lo ma? Mi a hawlh tam ruang ko ah a dik kho mazei?

³Job, an sâng kho lo ding hen ma na kan ruat? Mi zauhnawmhnâk thu nih hawlh lo ding hen hawng kan siam awt mazei?

⁴Na thusim tla chu dik na ti hep, Pathian mitmuh ah thenhlimh hen na siam.

⁵Pathian nih a nan sâng nik sele ka duh a!

⁶Finghnâk kâng dang dang a um mi a nan simh lai le, minung thinlung ah dawn ding hen a thûk tuktarâi mi tla khawm a um. Nangnih na tawng ding ngâk hen nêp dauh hen a nan rêp ngengê ma kha.

⁷Pathian rokualnâk leh thiltikhonâk zei ri asi na theih kho mazei?

⁸Vân khawm khi Pathian rangah chun a dawng a um lêm lo le, sikhawmsele, na phâk mi pînlei ving ah a um. Laikulh thihnâk lam chu Pathian nih a theih le, sikhawmsele, nang lam nih chun na theih loh.

⁹Pathian rokualnâk chu tual leh tisumsumriat ngâk hen a kâu.

¹⁰Pathian nih rêp ding hen an tleih sele, âu a khap khotu ding a um?

¹¹Mirualo tla chu Pathian nih a theih na le, an thilsual zawzawng khawm a muh.

¹²Ram sanatung chu a ngam dep tikah zeikhawm theihlo mi tla chu fingh anna dawmh cho lai.

¹³Job, na thinlung dik tak hen siam le, Pathian leikângah pêk.

¹⁴Na insungkhur ah mi thil diklo lawnh.

¹⁵Laikulh birhnâk leh râlṭhatnâk leikângah hawi nawlh rawh.

¹⁶Chu tikah na thinlung ah nawknâk chu a chuai lai le, tîlian a luang mi hâwi hen theih asi lai lo rawh.

¹⁷Na nungnâk chu thlâpa ngâk hen a chêu dauh lai le, na san mûi liau tak chu khua a dei mi hâwi hen a chêu lai.

¹⁸Thlangam leh lungumnâk nei hen na um lai le; Pathian nih a nan hum hen dinhnâk a nan pêk lai.

¹⁹Na mêlma tla chu na ṭih na lai lo le, mi tamtak nih ṭangpitu ah a nan sâwm lai.

²⁰Sikhawmsele, misual tla chu lungdawng tak hen khua an hawi lai le, âwl khonâk lampi rêng an tawng lai loh. An tawng ding mi pakhat chu thihnâk cho asi.