Read Bawm Chin JOB 12 Bible Online

JOB 12 - Bawm Chin bible

JOB 12

¹Nang chu mi zapi hâu na si Na thi tikah finghnâk khawm na thihpi lai.

³Sikhawmsele, nangmah hâwi hen kei khawm ka theih bâk. Zei lak khawmah nang ngâk hen ka nâu bîk lêm lo; na sim mi thu chu âuzawng nih an theih.

⁴Tuah ka hâwi le men nih an ka nihsanh le, rêp hen sâwi ding um lah khawmsele, an hawng ka nihsanh. Sikhawmsele, Pathian nih ka thlachamnâk a sâng tik ding a um.

⁵Lawksawngnâk na neilo ruangah na hawng ka nihsanh mi asi. Minung a tlû awt mi rangah na vuak awt mi asi.

⁶Sikhawmsele, mifîr tla leh Pathian neilotu tla chu.

⁷Ramsa leh va tla khawm nih an sîntir kho.

⁸Tual tlûn leh tipi lakah mi thilsiam tla rangah an finghnâk deih na.

⁹Pathian kut hen siam an si zia an theih hep.

¹⁰A thilsiam nungnâk duh duh hen tikhotu chu Pathian asi le, minung tla nungnâk khawm amah thu thu asi.

¹¹Na lei nih buh ei lakah thâwtnâk a theih hâwi hen na nâ nih thu ngâinuam a ti.

¹²Upa tla nih finghnâk an nei le, sikhawmsele, Pathian nih finghnâk leh thiltikhonâk a nei. Upa tla nih muhnâk an nei le, Pathian nih ti ding hen muhnâk leh thiltikhonâk a nei.

¹⁴Pathian nih a siat rawh mi chu âu nih dirhnawlh kho lai? Pathian nih rêng a thlâk mi âu nih suah kho lai?

¹⁵Pathian nih ruah a sûrtir lo chun, ni khua a kheu le, tî a hawng suah rawh chun tîlian a suak.

¹⁶Pathian chu a chak le, nehtu asi kumza; a thiltikhonâk lakah chun perpetnâk leh perpettu a um.

¹⁷Lâirêltu finghnâk chu a lâk piak ving na le, ruitu tla chu âtkâi tak hen thil a titir na.

¹⁸Lal tla chu laltophah lakah mi thlâk hen, rêngin ah a khumh na.

¹⁹Bâwlpu tla leh mi thiltikho tla chu a nautir na.

²⁰Mah â zûm mi chu a dâitir dep na le; tar tla finghnâk khawm a lâk piak ving na.

²¹Thiltikho tla chu ningzâk a saih le; lâirêltu chaknâk chu a dawnghtir.

²²Chêunâk chu mûi thahtu ding hen a hawng fial.

²³Phun tla chu chak leh rokual hen a siam na le, sikhawmsele, a neh na hen a veih na.

²⁴Anmah ruitu tla chu a âttir na le, veivâk leh tlâu hen a siam na.

²⁵Mûi lakah an vâk le, zurî hâwi hen an tlû.