Read Bawm Chin JOB 13 Bible Online

JOB 13 - Bawm Chin bible

JOB 13

¹Na sim mi zawzawng tla chu a lânah ka theih hep mi rawh. Zeizawng nangmah nih na theih zat chu ka theihthiam hep bâk. Nang ngâk hen ka nâu lêm lo.

³Kei hen kanna êl mi chu Pathian asi, nang na si lo; a sinah ka duh mi amah hen êl ding ka duh.

⁴Âwkrâwl hen theihlo ko na hen theih na rêl. Âukhawm damh kholo mi daktawr hâwi nan si.

⁵Zeikhawm simlo hen um ule, mi nih fing hen an rêl na dauh lai.

⁶Ka thusim hi ngâi u.

⁷Zeirangah âwkrâwl nan sim? Nan âwkrâwl thusim nih Pathian a ṭhatvaktir kho awt mazei?

⁸Amah chu hum ding hen ma nan tum? Lâirêlnâk ah a thu nan sim awt ma?

⁹Pathian nih nâi tek hen a nan zauh na sele, ṭha hen a muh lai ma? Midang rangah nan âttir na hâwi hen, Pathian âttir kho ding hen ma nan ruat?

¹⁰Nan thilti tla chu pheh menza khawm ule, a nan lâilanh na ding nget.

¹¹A thiltikhonâk nih lâu hen an khattir na lai.

¹²Nan thufing tla chu vachâm hâwi hen zeikhawm ah a mang tlâk lo. Nan êlnâk chu sunhtlung valei hâwi hen a chak lo.

¹³Dâisip le, hawlh ding hen hawng ka kianh rih, asi ding zia zia hen si ko seh.

¹⁴Ka nungnâk hi hum ding ka tîm.

¹⁵Lungumnâk rerêng ka nei lo rawh, churuang chun Pathian nih hawng ka thah chun zei hâwi dek asi lai.

¹⁶Misual tla nih Pathian lei hawi ngam lah khawmsele, ka râlṭhatnâk ruangah ka âwl lai dahmawh.

¹⁷Ka thu simhfiangnâk hi tuah ngâi.

¹⁸Ka thusim ding hen ka tîm chia zet rawh, diknâk lakah ka um ti ka theih ruangah.

¹⁹Pathian, keimah phiar ding hen ma na hawng? Chu hâwi na ti awt mi asi chun, dâisip hen thi ding hen ka tîm ko.

²⁰Thil panih siang ding hen ka nan ngiar awt; nang lakah zeikhawm pheh ka tum lo.

²¹Na ka rêp mi bâng rawh, ṭihnungkâi hen hawng ka lâutir lah.

²²Pathian, nangnih thusim masa le, kei nih ka nan sâng lai. Asi lo leh, kei thu hawng ka simtir le, nangnih hawng ka sâng.

²³Ka sualnâk tla zei? Zei thil diklo me ka ti? Zei thilsual ti ruangah me ka mawh?

²⁴Zeirangah na ka veih thlo? Zeirangah mêlma hâwitê hen na hawng ka ti?

²⁵Ṭhih ding hen na maw na ka awt? Zeikhawm ka si lo, thingnah hâwi cho ka si; fapawn tliar ro dotu cho na si.

²⁶Ka tlûnah hamhnâk fâk tak na tlungtir le, ka tlangvâl liau mi ka thilti ruang khawmah.

²⁷Ka kê lakah chikchîn hen na ka phuar le, ka kê kâr tla na vêng rêt. Ka keneh tla khawm na zauhdik hep.

²⁸Thing a mawt mi hâwi ka si, nipuan rûlchawn nih a ei mi hâwi ka si.