Read Bawm Chin JOB 15 Bible Online

JOB 15 - Bawm Chin bible

JOB 15

¹Job, thudo-tla-lo!

³Mifing âukhawm nih nangmah hâwi hen thu an sim lo, thudo-tla-lo hen anna vêng lo.

⁴Nangnih lampi nei le chu, pakhat khawm nih Pathian ṭihtu an um lai lo le, a sinah âukhawm nih thla a cham lai loh.

⁵Misual na sinâk chu na thusim lakah a lang le, na finghnâk thu hen theih na tum.

⁶Nang rangah an mawhtir ding a herh loh; nangmah thusim nih a nan mawhtir asi.

⁷Minung lakah a suak masachem hen ma na ruat? Pathian nih tlâng tla a siam liauah na um rawh ma?

⁸Pathian nih a thilsiam a tum mi na theih mazei? Minung finghnâk chu nangmah lâwng ma na nei?

⁹Kan theih loh mi chu zeikhawm na theih bâk lo.

¹⁰Finghnâk kanna sîn mi chu na pa suak lânah minung a sam pâr rawh mi tla sin thawk hen asi.

¹¹Pathian nih lungngamnâk an pêk mi zeirangah na duh lo nget rih? Thu men a sinah hâu fâk hen kan sim lo.

¹²Sikhawmsele, thinthawk leh hehhâr hen na kan zauh.

¹³Pathian tlûnah thinrun hen a sinah thu na sim.

¹⁴Âu me a thenhlimh tak mi um? Pathian lakah mi dik âu an um kho mazei?

¹⁵Pathian nih a vânminung tla men a mitmuh ah anna thenhlimh lo ruangah a zumh na lo.

¹⁶Mi nih sualnâk chu tî hâwi hen a din le, asi, minung chu a râwk dep le, zei rua khawm asi lo rawh.

¹⁷Job, tuah ka theih mi hi ngâi.

¹⁸Mifing tla nih thu thup an pa sinah anna sîn mi chu an hawng ka sîntir.

¹⁹An ram ah chun, ramdang minung, Pathian lakah mi pialpitu âukhawm an um lo.

²⁰Misual, midang nehsawhtu chu, amah dam kar zawng rêp hen a um lai.

²¹Hâu ṭihnungkâi a nâ ah theih hen a um lai le, him tak hen um ding a ruat liauah rawkmang nih a rawk lai.

²²Mûi lakah mi suak ding hen a ruat lo, mun zeimawh lakah amah thah ding hen nâmsâu nih a ngâk ruangah.

²³Mulukawlh murui tla nih a ruak ei ding hen an bawh ko. A mâileiah mûi a um mi chu a theih ko le,

²⁴siatnâk chu lal thiltikho tak hâwi hen do ding hen a ngâk ko.

²⁵Chu chu zeizawng tikhotu Pathian lakah kuttum lirhtu leh zuamtu thihnâk chu asi.

²⁶Chu minung chu â zûm le a hel; a phaw chu hûngâilo hen a put le, do ding hen Pathian a nam.

²⁸Chu minung chu khuapi tla lâk hen, a dâwngpu nih a tektâk mi in lâktu asi. Sikhawmsele chubang khuapi tla leh in tla chu tuknâk nih râwk asi lai.

²⁹A neihnâk chu tam a sâwt lai loh, a thil tawng khawm chu tam a sâwt lai loh. A thlaliah tla khawm a vei ving lai.

³⁰Mûi lakah mi chu a suak lai loh. Thing a ṭeng tla mei nih a khangh mi leh thingnah tla thli nih a ranh ving mi hâwi asi.

³¹Sualnâk rinhsanh ding hen a â chun, sualnâk chu a lâwmman ding asi.

³²Asan zawh lânah a uai lai le, thing ṭeng hâwi hen a uai lai le, a ring nawlh lai lo rawh.

³³Grep rah hel a tlawng mi hâwi asi lai le; oliv nah a tlawng mi hâwi asi lai.

³⁴Pathian neilo mi tla nih chun thlâk tla a nei lai lo le, nawhnâk hen in sak mi tla chu mei nih a khangh lai.

³⁵Hi bang minung tla hi sualtirtu leh nawktirtu an si le, an thinlung tla chu perpetnâk hen a khat kumza.