Read Bawm Chin JOB 18 Bible Online

JOB 18 - Bawm Chin bible

JOB 18

¹Job, midang khawm nangmah hâwi hen an dâisip kho lo ma? Ngâi ding na tum chun ka nan sawnh lai.

³Ran hâwi tluk cho ah â hen hawng kan ruat ding hen zei nih a nan siam.

⁴Nangmah leh nangmah na thinrunnâk hen nganfâk na pêk mi cho asi. Na thinthawk ruangah tual chu a karo hen a um lai mazei? Nangmah thinlung lawmhtir ding hen tlâng tla Pathian nih a ṭhial lai mazei?

⁵Misual chêunâk chu mih asi lai le, a meialh chu a alh nawlh lai lo rawh.

⁶A puanin ah mi a meichêu khawm a thim lai.

⁷A kê sirh chu a bir le, sikhawmsele tu chun a suih le, a tlû. Amah ngaihdân lakah a tuar.

⁸Lên a lamh le, a kê ah a awh;

⁹a kê ah thang nih a awh le, a khih thlir.

¹⁰Tual ah thang a thup hen awhnâk an siam le, awhnâk ding hen lampi ah thang an tunh.

¹¹A kiangkam tla thil ṭihnungkâi a um, a kârnâk kipah an zûl.

¹²Nei ding hen â ruat le, sikhawmsele tu chun a sung a vâng. A kiangah siatnâk nih a ngâk ko.

¹³Thihnâk râi nih a pumpiluk hen a tuam chu nih chun a kê leh a bân tla a mawttir.

¹⁴Himnâk puanin ah mi chu liamh hen a um le, Lal Thihnâk lei hawi hen nûk hen a um.

¹⁵Tuah âuzawng mah puanin ah um kho asi, â râwk lo ding hen kât theh nûnah!

¹⁶A ram leh a ṭeng tla chu a châr.

¹⁷A minthangnâk in ah a dawng le, mun dangah a zan. Âukhawm nih theih asi lo rawh.

¹⁸Minung ram ah mi chu nar hen a um lai le, chêunâk ah mi chu mûinâk ah khalh asi lai.

¹⁹Thlâk tla leh a thibang khawm a nei lo.

²⁰Saklei leh thlanglei tiang a thih thu theihtu zawng chu lâu ruangah nîn hen an thir.

²¹Chu chu misual tla, Pathian leikâng âwva lotu thih dân asi.