Read Bawm Chin JOB 19 Bible Online

JOB 19 - Bawm Chin bible

JOB 19

¹Zeirangah thu hen hawng ka hamhtir rih?

³Zeiliau zawngah na ka êl le, na ka nawktir mi lakah ningzak khawm na theih lo.

⁴Thil diklo ka ti menza khawmsele, nang rangah zei a pawi?

⁵Keimah ngâk hen ṭha dauh hen na ruat le, ka lawksawngnâk hi ka sualnâk ruangah si ding hen na ruat.

⁶Hi titu hi Pathian asi ti na theih lo ma? Anih nih hawng ka tleih ding hen thang a tunh.

⁷Siat leh râwknâk hawng ka pêk mi chu ka do le, sikhawmsele pakhat khawm a ngâitu a um lo. Repnâk ruangah ka âunâk pakhat khawm nih an ngâi lo.

⁸Pathian nih lampi chu a sah phawk le, ka lan kho lo; ka lampi chu mûi ah a thuh ving.

⁹Ka neih zawzawng a lâk hep le, ka thangṭhatnâk khawm a veih ving.

¹⁰Kâng dang dang hen hawng ka vuak, ka lungumnâk khawm a lâk ving le, thi ding hen uai tep hen hawng ka siah.

¹¹Pathian chu ka lakah a thinthawk; a mêlma a hua mi hâwi hen hawng ka ti.

¹²Keimah do ding hen a kawrsen a hawng fial le, ka puanin kiangah khur an chawh le, râwknâk an siam.

¹³Pathian nih ka unau tla an ka kaltâktir ver. Ka mêltheih tla sin khawmah ramdang mi hâwi ka si.

¹⁴Ka rualsia tla leh ka hâwi tla an kal hep.

¹⁵Ka in ah khual tla khawm nih an hawng ka philh hep le, ka to-awnu tla nih khual leh ramdang mi hâwi hen an hawng ka ruat.

¹⁶Hawng ka ṭangpi ding hen to-aw ka kawh le, a hawng ka sâng lo--ka ngiar khawmah a hawng ka ṭangpi lo.

¹⁷Ka thaw rim ruangah ka nupi a dîr kho lo, ka unau tla tak khawm ka kiangah an hawng kal lo.

¹⁸Ngâksia tla nih an ka muh le, an hawng ka nihsanh.

¹⁹Ka hâwikawmh tla nih an ka zauh le, an ka fih; ka dâwt chem na mi tla khawm nih an ka hua.

²⁰Ka vun tlâ ka ruh lakah â bêk le, takkaro hen ka nung ângthâng.

²¹Nang chu ka hâwi na si, hawng ka zângfah me! Pathian kut nih uai dep hen hawng ka vuak.

²²Zeirangah Pathian nih hawng ka ti mi ziatê hen na ka nehsawh awt? Nan ka nehsawhnâk hi tâwk nan ti lo ma?

²³Âu nih mawh ka thu hi hawng ka theihpi hen lasuibu ah rîn sele ka duh a!

²⁴Asi lo leh, thîr khenh hen, ka thu hi ker hen rîn si sele, a um kumzanâk ding hen.

²⁵Sikhawmsele, vân ah mi âumawh a dawnghnâk ah chun ka himnâk ah a hawng kal awt ti ka theih.

²⁶Ka taksa hi râi nih a ei hep nûn khawmah taksa ah ka um liau hin Pathian chu ka muh lai.

²⁷Ka mit ngelchel hen ka muh lai le, khual hâwi asi lai lo rawh.

²⁸“Zeitin khi minung hi kan rêp lai?” na ti mi ruangah ka râlṭhatnâk a tlâu thlo. Keimah do ding hen krai na hâwl.

²⁹Sikhawmsele, tuah sualnâk ruangah Pathian thinthawknâk tlung ding mi nâmsâu chu ṭih rawh. Lâirêltu chu pakhat cho ti na theih kho lai.