Read Bawm Chin JOB 20 Bible Online

JOB 20 - Bawm Chin bible

JOB 20

¹Job, ka thin na thawktir. An sâng lo ding hen ka tawrh kho lo.

³Na sim mi chu zauhnawmhnâk hep asi le, sikhawmsele, an leh ding dân chu ka theih ko.

⁴Tual ah minung a um masachem mi leh,

⁵misual chu lâwm tak hen sâwt an um loh ti a lân thawk hen na theih chia asi.

⁶A rokual hen vân leikângah a sâng vima hen, a lû nih vândâwm tawngh rê khawmsele,

⁷valeidip thli nih a sêm phin mi hâwi hen a um lai. Amah theih tumtu tla chu an kalnâk leikângah an vâi lai.

⁸Mang a vei mi hâwi leh zân ah langhnâk a muh hâwi hen a vei lai le, muh nawlh asi lai lo rawh.

⁹Um a tumnâk mun ah mi chu a vei lai le;

¹⁰a fapa tla nih mipâm tla tâ an fîr mi hen an ṭhat phah lai.

¹¹A taksa chu tlangvâl hâwi hen a chak lai le, sikhawmsele, sâwtlotê ah valeidip ah â chang lai.

¹²A rangah sual thilti ṭha hen theihtu nih chun a kâ lakah khawm thâwtnâk a theih.

¹⁴Sikhawmsele, a râwl chu a paw lakah a khâ lai le, tûr hâwi hen a khâ lai.

¹⁵Misual nih a fîr mi neih chu a luak nawlh lai le, a paw lakah mi khawm Pathian nih a suah nawlh lai.

¹⁶Misual nih a thil dawlh chu tûr hâwi asi lai, thihnâk rûl tûrnei nih a chuk mi hâwi hen amah rangah a thah lai.

¹⁷Oliv sariak tiva muh ding hen a dam lai loh, mawh nûk leh khuaitizû hen a luang mi tiva khawm a muh lai loh.

¹⁸A rianṭuan zawzawng a mâk hep le; a neih chenhnâk ding hen tik a nei lai lo.

¹⁹Mipâm tla a thlawrhthlâu leh a nehsawh na ruangah leh mi nih in an sak mi a lâk piak na ruangah.

²⁰A duhâmnâk ah â lâwm tâwk dah lai loh.

²¹A eibang a leifuan khawm a um lai lo le, a neihnâk chu a dawng ving lai.

²²A dingchangnâk lakah hamhnâk rit tak nih a veih lai.

²³A duh tâwk eitir u! Pathian nih a thinthawknâk ṭihnungkâi tak hen a rêp lai.

²⁴Thîr nâmsâu lakah suak ding a tum liauah, dâr chanhtiang nih tlû ving hen a kah lai.

²⁵A tak lakah chanhtiang fung a tleng dak lai le, a thal fungzum lakah a thî a zut lai. A thinlung ah ṭihnâk a khat lai.

²⁶A thilneih a hum mi tla chu a vei le, minung kut hen tihlo mi mei nih amah leh a dâwngsung tla a khangh hep na.

²⁷Chu minung sualnâk chu vân nih a phuang le, tual nih a thâwngthâng ṭhatlonâk a sim.

²⁸A neih zawzawng chu Pathian thinthawknâk tîlian nih a veih dep lai.

²⁹Chu chu misual tla thih dân, Pathian nih an rangah a ruat mi chu asi.