Read Bawm Chin JOB 23 Bible Online

JOB 23 - Bawm Chin bible

JOB 23

¹Ka rûmnâk hi ka derh lo ruangah, Pathian lakah ka vûirâm nget rih.

³Amah hi tawng kho mun theih sele ka duh a! A umnâk mun theih sele ka va kal ding mi.

⁴A mâika ah ka thu ka tlunh lai le, ka thinlung thu zawzawng a sinah ka tlunh lai.

⁵A thusim ding leh a hawng ka sâng ding mi thu chu zei hâwi asi theih ka duh.

⁶Pathian nih a chaknâk zawzawng tla, keimah donâk ah ma a mang awt? Silai loh, ka thusim a ngâi lai.

⁷Zumh ka kâi le, Pathian lak khawmah, mawh lo leh thil zeizawng ah sual lo hen Pathian nih a ka ngaih lai ti ka ruat.

⁸Saklei ah ka hawi le, sikhawmsele, chunah Pathian a um lo. Thlanglei ah ka hawi khawmah ka tawng lo.

⁹Pathian chu simlei leh marlei ah rianṭuan hen a um le, sikhawmsele amah chu ka muh lo nget rih.

¹⁰Sikhawmsele, Pathian nih kê ka kâr mi kip hi a theih. Hawng ka nik khawmsele, thenhlimh tak hen hawng ka muh lai.

¹¹A lampi thîm lakah zumhkâi tak hen ka kal le, a zei lei khawm ka pial dah loh.

¹²Pathian thupêk chu ka ti kumza le, keimah duhzia a umlo hen Pathian duhzia hen ka um.

¹³Anih chu â dang dah loh. A duh mi thil a ti liauah pakhat khawm nih an khap hen an do kho lo.

¹⁴Ka rangah a thiltum a nei mi zawzawng ah pakhat chu a zulh ngelchel lai.

¹⁵A mâika ah lâu hen ka thir.

¹⁶Zeizawng tikho Pathian nih ka râlṭhatnâk a veih dep. Hawng ka lâutirtu chu mûi asi lo le, Pathian asi. Chu hâwi sikhawmsele, mûi nih chun ka mit a châwtir.