Read Bawm Chin JOB 26 Bible Online

JOB 26 - Bawm Chin bible

JOB 26

¹Kei mi chaklo leh mipâm rangah ṭangpitu ṭha ual na si mahi!

³Krai ṭha tak leh na theihnâk kei mi â rangah na ka pêk bâk mahi.

⁴Na thusim zawzawng âu nih ngâi ding hen na ruat? Kha hâwi thusim ding hen âu nih a nan theihtir? [Bildah][2]

⁵Tual tangah tî lakah mi mithi thlarau an thir.

⁶Thihnâk laikulh chu Pathian sinah langh hen a um le, a mitmuh ah muhlo ding hen phenhtu a um lo.

⁷Vân chu marlei kâng Pathian nih a pharh le, boruak ah tual chu a thlâi.

⁸Sûm tî pûttirtu chu Pathian asi, a sûr ding mi chu a kilkâwi thlir.

⁹Vândâwm pîn leiah thlâpa chu a thuh.

¹⁰Tipi lakah a ramri a siam le, chêu leh mûi a ṭhen.

¹¹Vân ah mi sûm dirhtu chu lâunâk a pêk rawh chun, lâu hen an thir le anna nîn.

¹²Tipi chu a chaknâk hen a neh le; Rahab thilnung lian chu a krai thiamnâk hen a veih.

¹³A thaw hen vân chu thiang riang hen a siam le, thilnung lian a tek mi chu a kut hen a thah.

¹⁴Hi hi a thiltikhonâk rarâu cho asi rih. Pathian rokual zia dik tak theihkhotu âu asi? Dîn dik hen thu an sim mi kan theih mi hâwi cho asi.