Read Bawm Chin JOB 27 Bible Online

JOB 27 - Bawm Chin bible

JOB 27

¹Lâirêl piak ding duh lo hen ka nungnâk hamh tak hen hawng ka siam piak ruangah,

³Pathian nih thaw hawng ka zuah piak sung zawzawng chu,

⁴ka mûr nih thusual a sim rerêng lai lo le, ka lei khawm nih âwkrâwl thu a sim rerêng lai loh, Pathian nung mi chak tak min hen ka tiam asi.

⁵Nannih minung tla chu dik kan ti dah na awt lo; Ka thih tiang hen mawhlo ka ti awt nget.

⁶Dik ka ti mi hi ka lêt ding asi lo; fiang tak hen ka theih asi.

⁷Hawng ka dotu leh hawng ka huatu chu, misual leh mi replo tla hâwi hen rêp hen um na seh.

⁸Pathian nih an nungnâk a lâk piak na tikah Pathian neilotu tla nih zei lungumnâk an nei?

⁹Lawksawngnâk a hawng tlung tikah Pathian nih an âu hâu a ngâi lai mazei?

¹⁰Lâwmnâk a pêk mi chu duh na ding mi, bânglo hen a sinah thlacham na ding mi.

¹¹Pathian thiltikhonâk rokual zia ka nan simh na lai le, Pathian zeizawng tikho thiltum ka nan simhfiang na lai.

¹²Sikhawmsele, nanmah ngelchel nih nan muh rawh, nûn lam chun a herh loh. Zeirangah chubang thu salam chu nan sim nget rih. [Zophar][3]

¹³Hi hi Pathian chak nih misual leh siat leh râwktu a rêp na dân chu asi.

¹⁴Fapa tamtak an nei lai le, sikhawmsele râltuknâk ah an thi hep lai le, an fa tla nih khawp hen buh ei ding an nei lai loh.

¹⁵A thibang tla chu râi hen an thi lai le, an thi mi tla chu numei tla men an lungfâk lai loh.

¹⁶Misual tla nih tangka rêl chawk lo rê leh nipuan tamtak midang tla hen an nei kho,

¹⁷sikhawmsele, mi ṭha zeimaw mi nih nipuan anna aih lai le, mi zumhkâi zeimaw mi nih tangka an nei lai.

¹⁸Misual nih chun mâimawmh bû hâwi hen in a sak le, phâisen ngâknâk ah sal nih basâ a khuar mi hâwi hen.

¹⁹Neih leh siah hen a dawnghnâk ah an it lai le, an thawk tikah an neih zawzawng chu vei hep hen an muh lai.

²⁰Ningṭihnâk chu tîlian hâwi hen lâkkhatko ah a dêng na lai le, zân ah thli nih a ranh phin na lai.

²¹Saklei thli nih an in ah mi chu a ranh phin na lai le;

²²suak ding an tum liauah lungkhamnâk umlo thlo hen a ranh na lai.

²³An tek liau chirah thli nih a dêng khup na lai le, thli chawp tak nih a lauh na lai.