Read Bawm Chin JOB 3 Bible Online

JOB 3 - Bawm Chin bible

JOB 3

¹A dawnghnâk ah chun Job chu a dâisip châwk lo le, a suaknâk ni chu a simsiat. Job nih,

²Pathian, ka suak ni tla chu siatbarh le; pâwi ka si nâk zân khawm siatbarh rawh.

⁴Chu ni chu mûi ah changtir le, chu ni chu theih nawlh si lah rawh sele; chu ni chu chêu lah rawh seh.

⁵Mûi sah tak hen chu ni chu changtir le; sûm hen khuhtir pang le, nî chu tlâutir ving.

⁶Chu kum ah mi zân chu veih ving le, rêl si lah rawh seh.

⁷A karo hen lâwmnâk tel lo zân ah siam.

⁸Leviathan neh dân theihtu dâwithiam tla, chu ni chu siatbarh ding hen simh na.

⁹Deirêl ârfi chu chêu lo hen siah le, chu zân chu khuadei lungumnâk neilo hen siam.

¹⁰Chu zân nih chun hawng ka ring ruangah leh nawknâk leh ngaihsiatnâk a tlungtir ruangah siatbarh.

¹¹Ka nu paw sungah ka um liau mawh, ka suak kâ hen khan thi ving sele ka duh a!

¹²Zeirangah ka nu nih a êl tlûnah hawng ka toh, zeirangah ka nu nih a ṭâng tlûnah nûk hawng ka dinh?

¹³Thi ving sele, tu chun ka dîn ving rawh ding mi,

¹⁴Lal tla leh lâirêltu tla, a lânah lal in saktu tla hâwi hen it ziar ding mi.

¹⁵Lal fa tla, an insungkhur ah ngûn leh tangka tamtak neitu tla hâwi hen ka it ziar ding mi.

¹⁶Asi lo leh, a ruak hen a suak mi fa hâwi hen ka it ziar ding mi.

¹⁷Misual tla sualnâk chu thlân ah a dawng, hamh tak hen rianṭuantu tla khawm an san a dawng rawh chun dînnâk an tawng.

¹⁸Rêng a tlâ mi khawm fâi leh thupêk khauh fâk lakah mi chu thawsuak hen an thla a ngam.

¹⁹Chunah chun mi minthang leh theih dah lo mi tla an um le, sal asi mi tla khawm a dawnghnâk ah chun an thaw a suak.

²⁰Zeirangah mi le tla chu nuam lo tak hen an umtir na? Zeirangah minung rangah ngaihsia salam ding hen chêu a pêk?

²¹Thihnâk an ngâk le, sikhawmsele a hawng tlung dah lo. Ro ngâk hen thlân an thîm dauh.

²²Thi hen vûi an si lân lo chu anna lâwm lo.

²³Mâilei ah an um ding dân chu Pathian sinah a um. Thil zeizawng ah amah thuneihnâk sungah a khumh.

²⁴Din leh ei ngâk hen ngaihsiat ka tuar. Ka rûmnâk a dawng kho lo.

²⁵Ka rangah ṭihnâk leh lâunâk a tlung taktê.

²⁶Thlangamnâk leh dinhnâk ka tawng lo. Ka lawksawngnâk hi dawng kho mi zât asi lo.