Read Bawm Chin JOB 34 Bible Online

JOB 34 - Bawm Chin bible

JOB 34

¹Nannih minung tla hi thungâi nan fâifîm hen nan fing le, tuah ka sim mi hi ngâi u.

³Buh-an thâw lam chu nan tem chun, a thâwtnâk nan theih. Thufing lam chu theihthiamnâk nan nei lo.

⁴Thu chu thlûk ding hen kanmah thu asi.

⁵Job nih chun Pathian nih mirep na si lo a ti mi chu, kei sual ka nei lo a ti.

⁶“Zeitin sual lo pet hen âwkrâwl thu ka sim zia lai? Thih phah rê hen mâ ka vei le, sikhawmsele, thilsual tilo mi ka si,” a ti.

⁷Job â hâwi hi mi âutal nan muh dah ma? Pathian a zah lo zia hi.

⁸Misual tla hen rui a duh le, misual tla hen munkhat hen a kal.

⁹Pathian duhzia ti ding hen, thil ṭha ti ding a herh loh a ti.

¹⁰Nannih theihthiamtu tla, ka thu ngâi u! Pathian zeizawng tikho nih thilsual a ti lai ma?

¹¹Mi tla chu an thilti hâwi hen, lâwmman a pêk tâwn le, anmah ruam vima hen an tlûnah thil a ti.

¹²Zeizawng tikho Pathian nih thilsual a ti lo, mi âu sin khawmah replo tak hen a um dah lo.

¹³Pathian nih a thiltikhonâk hi midang tla sinah a tawng mi mazei?

¹⁴Pathian nih nungnâk thaw a lâk chun,

¹⁵mikip an thi lai le, valei ah anna chang lai.

¹⁶Na fing mi asi chun, tuah ka thu ngai.

¹⁷Pathian rep chu mawh hen mâ na ruat? Mirep chu hua hen ma na ruat?

¹⁸Pathian nih lal leh lâirêltu tla chu, sual leh mang tlâk lo hen an um chun a mawhtir na.

¹⁹Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

²⁰Minung chu zân khat karah a thi sawm kho. Pathian nih minung chu niam dep a vuak na le, an vei. Mi chak khawm awldek hen a thah na.

²¹Minung kekâr tla a theih hep.

²²Pathian lakah mi, misual chu mûi langlo ding hen mûi ah â thup kho lo.

²³Pathian rangah tik ruat a herh lêm lo, Minung tla chu amah sinah lâirêl ding hen an kal awt ruangah.

²⁴Ruitu chu lawnh hen, a mun ah midang siah ding hen Pathian rangah deih a herh lêm lo.

²⁵Anih nih chun an thilti a theih hep ruangah; zân khat kar ko ah, a neh hen a râwk na kho.

²⁶Misual tla chu amah an zûl duh hen a thu an ngâi duh lo ruangah zapi mitmuh ah a rêp na.

²⁸Pathian auh ding hen mipâm tla an zângnawr le, ṭangpi an deih mi chu a ngâi.

²⁹Pathian nih thil zeizawng ti a tum lo mi chu, âukhawm nih an titir kho lo. A mêl a thuh chun minung nih ṭangpitu an nei ding asi lo.

³⁰Pathian neilo mi nih nehsawh hen an tlûnah lâi an rêl ding mi a vêng ding hen phun tla nih zeikhawm ti khonâk an nei lo.

³¹Job, Pathian sinah na sual tla phuang hen, sual lo rawh ding hen thu na tiamh rawh ma?

³²Pathian chu na sualnâk an muhtir ding hen leh na sualnâk an bângtir ding hen na ngiar ma?

³³Pathian thilti na duh lo mi asi chun, na duh mi Pathian sinah lungumnâk na nei kho lai mazei? Keimah thinlung tum silo hen, na thinlung tum, zei tak me asi, tuah hawng kan simh.

³⁴Theihnâk nei mi zei minung zawng nih rem an ti lai le; mifing âuzawng ka thusim ngâitu nih chun,

³⁵Job thusim hi a theih lo ruangah leh a thusim nih zeikhawm a chawhchân loh an ti lai.

³⁶Job thusim zawzawng hi ruat u, mi â thusim hâwi asi ti nan theih lai.

³⁷A sual nûnah a hel singsuan rih; kan mâika ah Pathian a siarlo mi asi.