Read Bawm Chin JOB 35 Bible Online

JOB 35 - Bawm Chin bible

JOB 35

¹Job, Pathian mitmuh ah ka sual lo na ti mi leh,

³“Ka sualnâk nih nang rangah a pawinâk zei a um? Ka sual lonâk ruangah zei me dingchangnâk a um na ti mi hi a diklo thlo.

⁴Nang leh na hâwipa tla rangah ka nan sâng na awt.

⁵Vân khi zauhnik! Vândâwm sâng zia khi.

⁶Sual khawm le, Pathian rang lam chun a pawinâk a um lo. Thil vei tamtak na sual mi ruangah Pathian rangah zei a pawinâk a um?

⁷A rep ual khawm le, Pathian rangah zei me a ṭhatnâk a um? Pathian nih na sinah zeikhawm a duh mi a um lo.

⁸Na sual ruangah tuartu leh na ṭhat ruangah ṭhat phahtu chu na hâwipa rang asi.

⁹Mi nih thil an tuar zâwn ah an rûm tâwn. Mi nih anmah sanhtu ding hen âumawh an auh na.

¹⁰Sikhawmsele, mûi nâwngah an um liau khawmah lungumnâk pêktu an siamtu Pathian leiah anna hawi lo.

¹¹Vâ leh ramsa ngâk a fing dauh hen hawng kan siamtu Pathian leiah anna hawi duh lo.

¹²Ṭangpitu dingah Pathian an auh le, mi zûm leh misual an si ruangah Pathian nih a sâng na lo.

¹³Pathian rangah auh chu a zauh na hen a ngâi piak na awt lo ruangah an rangah a ṭhatnâk zeikhawm a um lo.

¹⁴Job, Pathian ka muh kho lo na ti, sikhawmsele, felfê tak hen ngâk, na thu chu a mâika ah a um asi.

¹⁵Sual tâwmtê titu chu, Pathian nih rêplo ding hen na ruat.

¹⁶Chaih lemang hi na rangah a ṭhatnâk zeikhawm a um lo. Theihlo pet hen na hawlh salam asi ti a lang asi.