Read Bawm Chin JOB 36 Bible Online

JOB 36 - Bawm Chin bible

JOB 36

¹Pathian ruangrûl ah thu ka sim ding mi hi sâwt dauh hawng ka ngâi piak raram rih.

³Hawng ka siamtu Pathian rep zia langh ding hen, ka theih mi thu tamtak ka mang awt.

⁴Na mâika ah mi dik na muh mi kei nih hin âwkrâwl thu na sinah ka sim lo.

⁵Pathian chu chak tak asi! Âukhawm a zauhnawmh lo, a theihthiam lo mi zeikhawm a um lo.

⁶Misual chu a zuah lo le, mipâm chu rep tak hen a ti na.

⁷Mirep tla rangah chun a hum na le, lal tla hâwi hen lâirêltu ah a siam na hen, zahkâi tak hen a siam kumza na.

⁸Mi tla an thilti ruangah chikchîn khih hen tuar na khawmsele,

⁹Pathian nih an sualnâk leh anna zûmnâk a theihtir na.

¹⁰A thusim chu ngâi hen, sual kaltâk ding hen a siam na.

¹¹Amah lakah ê-aw an ngâi hen a duhzia thil an ti chun thlangam tak leh sul-le-lam tluang tak hen an um.

¹²Sikhawmsele, chu hâwi asi lo chun, â tak hen an thi lai le, tiva kanh hen thihnâk laikulh ah an kal lai.

¹³Pathian neilo mi tla chu, an thinrun kumza le rêp hen an um khawmah ṭangpi deih hen thla an cham dah lo.

¹⁴Seino an si liauah an thi le, an umdân ningzakkâi tak nih a mualphoh na.

¹⁵Sikhawmsele, Pathian nih tuarnâk mang hen mi tla a sîntir na le, an mit deitir ding hen hamhnâk a mang.

¹⁶Lawksawngnâk ah mi Pathian nih an suah le, lâwm tak hen himnâk ah an umtir. Na dawhkân ah mi na buhkhêng ah buh tlûn tung hen a chuanh.

¹⁷Sikhawmsele, tuah nangmah umdân zia zia hen rêp na si.

¹⁸Nawknâk leikângah perpet a um hen neihnâk nih mahlo leikângah an kalpi lonâk ding hen a thiamthih rawh.

¹⁹Ṭangpi deih hen na âu tikah, na rangah thil ṭha asi lai lo le, na chaknâk zawzawng khawm nih a nan ṭangpi kho ding asi lo.

²⁰Zân a hawng tlung ding mi, phun tla veih tik ding mi chu duh lah.

²¹Sualnâk leikâng hawi lo ding hen a thiamthih le, chu lakah a nan hum ding hen tuarnâk ding mi chu fial asi.

²²Pathian thiltikhonâk rokual zia, zeizawng lakah sîntirtu rokual chem asi zia theihkumza rawh.

²³Âukhawm nih Pathian chu thilti ding hen an simh lo le, thilsual a ti ruang khawmah âukhawm nih an phiar lo.

²⁴A thilti ruangah mi nih an sawr kumza le; nang khawm nih anih chu na sawr bâk ding asi.

²⁵Mikip nih a thilti tla an muh le; lât tak thawk hen kan chuanh kho cho.

²⁶A rokualnâk âukhawm nih kan theih hep kho lo le, A kum zat khawm kan theih lo.

²⁷Tual ah mi tî lâk hen, tual lei lîlâ ah ruah sûrtirtu chu Pathian asi.

²⁸Vândâwm thawk hen ruah, chî tuhtu minung tla zawzawng rangah a thlêt piak na.

²⁹Sûm a kal mi leh khua a ri mi dân âukhawm nih a theih lo.

³⁰Pathian umnâk Van ah mîmthlâ a lektir le, tipi tang chu mûi pang hen a um.

³¹Hi hâwi hen minung tla a châwm le, tî-le-râwl a pêk na.

³²Mîmthlalek chu a kut ah tleih hen, a tum mi lakah ṭêk a tlâktir.

³³Khua a ri mi nih ruah sûr ding mi a phuang le, ranrual tla nih ruah sûr ding mi an theih kher.