Read Bawm Chin JOB 4 Bible Online

JOB 4 - Bawm Chin bible

JOB 4

¹Job, na sinah thu sim sele, na hua lai ma? Ka dâisip châwk lo rawh.

³Mi tamtak na sîntir na le, kutkhêng tla sinah chaknâk na pêk.

⁴Mi an tlû hen an chak lo hen an dî liauah, dîr ding hen thu na fawrh na.

⁵Tuah na tuarnâk ding a tleng rawh. Na rangah tuar ding hen thungâi zenh a kâi.

⁶Pathian na sawnh le, na umdân lakah zeikhawm sâwi ding a um lo, churuangah nang rang chun lungumnâk leh zumhnâk na nei kho.

⁷Dunglei thu tuah dawn nik, mirep tlûnah siat leh râwknâk a tlung mi pakhat tal sim.

⁸Mi nih sualnâk phâisen a nâwn mi ka muh na le, sualnâk chi an vawrh; churawhchun sualnâk leh thilsual an ât.

⁹Pathian nih a thinthawknâk thlipi hâwi mi hen a veih na.

¹⁰Misual chu chakeibaknei hâwi hen a rum le; â sawk. Sikhawmsele Pathian nih dâidep hen a tuah le, an hâ tla a khiak piak na.

¹¹Chakeibaknei zeikhawm thah leh ei lo mi hâwi hen an thi le, an fa tla chu anna rek phin.

¹²Dâisip hen thâwng thanhtu veikhat a hawng le, dâisip hen zângrah ka ngâi kho.

¹³Zân ah ka it mi hawng ka nawktir.

¹⁴Ka thir le, ka nîn le, ka taksa pum hen lâunâk hen a khat rawh.

¹⁵Chêu nih ka mêl hawng ka cherh le, ka sam fang rêl rê hen ka lâu.

¹⁶Chunah chun zeimawh dîr hen ka muh le, sikhawmsele zei asi, ka sim kho lo. Churawhchun, a kingdimnâk ah hâu ka theih.

¹⁷“Pathian mitmuh ah âu mirep sikho hen, a siamtu mâika ah thenlimh mi âu a um?

¹⁸Pathian nih vân ah mi a to-aw khawm a zumh na lo. A vân minung lak khawm a sualnâk a muh.

¹⁹Tual hen a siam mi, valeidip hen thilsiam rannung hâwi hen vei kho mi chu, a zumh ding hen ma na ruat?

²⁰Minung chu zînglei ah dam ver hen a um mi, theihmanh lân karah nî tlâk lânah a thi ving kho.

²¹A neih zawzawng chu lâk hep hen a um le, finghnâk neilo hen a thi,” a ti.