Read Bawm Chin JOB 40 Bible Online

JOB 40 - Bawm Chin bible

JOB 40

¹Job, Pathian zeizawng tikho chu na zuam le, tuah na bâng awt ma? Asi lo leh, na sâng awt ma? Job

³LALPA, nabeibâng hen ka hawlh sut rawh, zei thu khawm sim ding ka tum lo rawh.

⁵Ka sim ding ngâk hen a leiluat hen thu ka sim ving rawh.

⁶Churawhchun sûm thawk hen LALPA nih veikhat a hawng sawnh nawlh. LALPA nih

⁷Mipa na si mi chu dîr le, thu ka nan deih mi hi sâng.

⁸Keimah lam chu mireplo leh mi diklo ah ruat ding na tum le, nangmah chu mi dik ah na ruat mu?

⁹Kei hâwi hen na chak ma? Keimah hâwi hen khua a rî mi hâwi hen hâu na suah kho ma?

¹⁰Chu hâwi na si mi asi chun, zahkâi leh zûm tak hen dîr le, rokualnâk leh lalnâk hen a thuam rawh.

¹¹Mi â zûm mi tla chu zauh na le, na thinthawknâk hen nâutir na.

¹²Asi, zauh na le, niam dep hen siam na le, misual tla chu an dîrnâk mun ah veih na.

¹³Tual ah vûi hep na le, laikulh thihnâk ah phuar na,

¹⁴Chu tikah an chawnglawmh masatu ka si lai le, nangmah thu hen nehtu na si lai rawh,

¹⁵Thilnung lian Behemoth zauhnik; nang leh chu chu ka siam mi nan si.

¹⁶Chawpê hâwi hen ram nah a pêt, Sikhawmsele, a taksa thungâi a chak!

¹⁷Sidar thing hâwi hen a mei a phir, a kê tha tla thungâi a chak,

¹⁸A ruh tla chu dâr hâwi hen a khauh, a kê tla chu thîr tung hâwi asi.

¹⁹Ka thilsiam lakah a chê chem mi asi! A siamtu cho nih a neh kho,

²⁰Belh tla chu ramsa tla tlawngnâk ah tlâng ah an chawrh,

²¹Lingbû tangah a bawk le, phâi ah chur lakah lâiluang nâwng ah â thup,

²²Lingbû leh bakrimei thlaliah lakah â dawr,

²³Jordan Va hâwi hen tî luang mi khawm a ṭih lo, Jordan tî nih a mêl a nîm khawmsele, zeikhawm a siarlo,

²⁴A mit âu nih châwtir kho hen neh kho? Silo leh a nâr lakah âu nih vih hen âu nih tleih kho?