Read Bawm Chin JOB 7 Bible Online

JOB 7 - Bawm Chin bible

JOB 7

¹Minung nungnâk chu kawrsen thupêk hâwi a rianṭuantu hâwi asi. Kut rianṭuan har tak hen lawh kal hâwi asi.

²Sal nih dâidul a ngâi mi hâwi asi, rianṭuantu nih a lawh a ngâk mi hâwi asi.

³Thla tamtak chu a thawt hen ka um le, zân siar hen ka lakah ngaihsiatnâk a hawng tlung.

⁴Dâr chu a lan vima le; zân khuadei hen ka fûk vima le, khuadei ka mawhlah.

⁵Ka tak chu a pum hen tholung hen a khat, mâ nih hawng ka tuam pang, ka mâ lakah mi a nâi tla a suak.

⁶Ka san chu lungumnâk neilo hen a lan vima, thiam tahtu thiamfung khawh ngâk hen a rang dauh.

⁷Pathian, ka nungâk hi thaw cho asi le, ka lâwmnak tla hi a dawng chia rawh ti theihkumza.

⁸Tuah na ka muh mi hi na ka muh nawlh lai lo rawh. Hawng ka hâwl khawm le, ka kal ving lai rawh.

⁹Sûm chu â kiang le, a vei rawh hâwi hen, minung a thi mi chu a kîr lai lo rawh. Amah theihtu zawzawng khawm nih an philh lai rawh.

¹¹Dâisip kho ka si lo! Ka thinthawk hen ka lung a fâk. Ka hawlh awt.

¹²Zeirangah na ka vêng thlir? Kei hi tipi ah thilnung lian ma ka si?

¹³Ka zâu le, dîn ka tum; Ka nganfâk damnâk ka hâwl.

¹⁴Sikhawmsele, nangmah nih mang hen na ka lauh. Muhnâk hawng ka pêk le, mang na ka manhtir.

¹⁵Hi hamhnâk taksa ah um ngâk hen thih ka duh dauh.

¹⁶Nung hi ka neng tuktarâi, ka mâk rawh. Keimah lâwng hawng ka siah thlap le, ka nungnâk nih zeikhawm hawng ka theihtir lêm lo.

¹⁷Minung hi zeirangah chu tluk hen na lakah a herh? Zeirangah a thilti tla na âwva.

¹⁸Zîng siar hen na zauhdik le, zeiliau zawngah na nik.

¹⁹Ka chil dawlh ding hen na hawng ka thlawrhthlâunâk hi a sâwt tâwk ual lo rawh ma?

²⁰Nang thâwng thlâktu, ka sualnâk nih nganfâk a nan pêk mazei? Na ti ding mi thil ah zeirangah na ka mang? Na rangah chu tluk rak hen thilrit ma ka si?

²¹Ka sualnâk hi na ka ngaihdam kho lo nget rih ma? Thil diklo ka ti mi hi na ka ngaihdam kho lo ma? Sâwtlotê ah thlân ah ka um lai rawh. Hawng ka hâwl khawm le, ka kal ving lai rawh.