Read Bawm Chin JOB 8 Bible Online

JOB 8 - Bawm Chin bible

JOB 8

¹Neh ding hen na thusim chu chu vial ko rawh bei ne?

³Pathian nih diknâk chu a lêt dah loh. Thil dik ti ding hen khawm a lêt dah lo.

⁴Na fa tla chu Pathian lakah an sual kho, churuangah an umdân hâwi hen rêp an si kho.

⁵Churuangah tuah Pathian chak leiah ngaihdam deih hen a her nawlh rawh.

⁶Chu hâwi tluk hen zumh na kâi hen, na thenhlimh mi asi chun Pathian hawng kal hen a nan ṭangpi lai le, lâwmman hâwi hen na dâwngsungkhur a lân hâwitê hen a tuah nawlh lai.

⁷Pathian nih a nan pêk ding mi ruat hen a lânah na neih zawzawng a vei mi chu zeikhawm asi lai loh.

⁸A lânah finghnâk thu tla ruat nik, kan pu tla nih thudik an ruat tâwn mi tla chu.

⁹Kan san chu a tâwi le, kan theih ver lêm lo; tual tlûnah thlaliah a kal mi hâwi hen kan kal asi.

¹⁰Sikhawmsele, a lânah mifing tla sîntirnâk dawn nik. An sim mi thu tla nik:

¹¹“Tî umlonâk ah lâiluang a kho lo le; chur lakah lo chun tawng kho asi dah loh.

¹²Tî a hawng kang rawh chun, a masa hen an uai le, mang ding leh tuk ding hen an mê tuk.

¹³Pathian neilo mi tla chu chu lâiluang hâwi an si; an lung a dawng le, Pathian an philh tâwn.

¹⁴Mâimarâng baw, lazai hâwi mi an rinhsan.

¹⁵Chu mâimarâng baw lakah âwk sele a derh kho awt ma? Chu zâitê lakah a âwk sele, a tleih dirh awt ma?” a ti.

¹⁶Misual tla chu belh hâwi hen nî sa lakah an chawrh le, dûm lakah belh khat dil a zâm mi hâwi an si.

¹⁷An ram tla nih lung a tuam le, lung kip lakah bir tak hen an zâm.

¹⁸Sikhawmsele phâwi zek hen an um le, âukhawm nih an umnâk mun theih asi lo rawh.

¹⁹Asi, chu chu misual le tla zawzawng lâwmnâk asi. Midang tla an hawng le an mun an luah.

²⁰Sikhawmsele, mi zumhkâi tla chu Pathian nih a kaltâk dah lai loh. Misual tla lam chu a ṭangpi dah na lo.

²¹An nihtir hen an âutir nawlh lai.

²²A nan huatu tla lam chu ningzâk a saih na lai le, misual in tla chu a vei lai.