Read Bawm Chin SAM 101 Bible Online

SAM 101 - Bawm Chin bible

SAM 101

¹Ka la chu lâirêlnak dik leh zumhkainâk asi, LALPA, na sinah ka hawng sak asi.

²Ka umdîn chu sual tel lo asi. Zei tikah ka sinah na hawng awt? Nunchan thenhlimh tak hen ka in ah ka um lai le,

³sualnâk rêng ka tuar lai lo. Pathian thawk hen a pial mi minung tla thilti tla chu ka hua; annih hen zeikhawm kawpkaihnâk ka nei awt lo.

⁴Zumhkâilo hen ka um awt lo, sual rerêng ka ti awt lo.

⁵Mi âu hen mawh sual leikâng thuthup ruattu tla sinah chun ka tel awt lo. Â zûm mi leh zauhnawmh mang chu ka sâithiam lo.

⁶Pathian lakah mi zumhkâi tla chu ka bawp na lai le, ka lal in ah ka umtir na lai. Zumhkâi tak hen um mi tla chu ka rianṭuantu ah ka mang na lai.

⁷Mi âwkrâwl thusim tla chu ka lal in ah an um lai lo le, mi perpê tla khawm ka mâika ah an um lai lo.

⁸A ni ni hen kan ram ah misual tla chu ka veih na lai le; LALPA khuapi lakah mi misual tla chu ka kiangtir phin na lai.