Read Bawm Chin SAM 111 Bible Online

SAM 111 - Bawm Chin bible

SAM 111

¹LALPA chu sawr u! A mi tla pumhnâk ah ka thinlung zawzawng hen LALPA sinah lâwmthu ka sim lai.

²LALPA nih thil a ti mi chu a chê a! An lakah lâwmtu tla nih chun theihthiam ding an duh.

³A ti mi zawzawng chu lalnâk leh zahkâinâk hep asi. A repnâk chu zungzâl asi.

⁴LALPA nih a thilchê ti chu hawng kan philhtir lo; vêl a nei hen khua a ruat.

⁵Amah zahtu tla chu ei ding a pêk; a thudîntuk chu a philh dah lo.

⁶Mi ram tla pêk hen a mi le tla sinah a thiltikho zia a zauhtir.

⁷A ti mi zawzawng lakah zumh a kâi hen â rep, a thupêk zawzawng chu rinhsanh tlêk asi.

⁸Zeiliau zawng rang asi, thudik leh repnâk pêk hen an um.

⁹A mi le chu a suah na, zungzâl thudîntuk a siam. Thenhlimhnâk leh thiltikhonâk chu amah asi!

¹⁰Finghnâk lampi chu LALPA ṭih hi asi; amah thupêk zûltu chu lâirêlnâk tluang a pêk na. Amah chu zungzâl sawr ding mi chu asi.