Read Bawm Chin SAM 116 Bible Online

SAM 116 - Bawm Chin bible

SAM 116

¹Ka thlachamnâk a theih hen a ka ngâi piak ruangah, LALPA chu ka dâwt.

²Amah ka auh kipah hawng ka ngâi piak.

³Thihnâk ṭihnungkâi tak ka kiangkam ah a um le, ka lakah thlân ṭihnungkâi â khâr le; ṭihnungkâi leh lawksawng hen ka khat.

⁴Churawhchun LALPA chu ka auh le, “LALPA, ruang hawng ka suah, ka nan ngiar asi,” ti hen.

⁵LALPA chu a ṭha hen khua a ruat le; kan Pathian chu zângfahnâk nei mi asi.

⁶LALPA nih ṭangpi herh tla chu a hum le; ṭihnungkâi lakah ka um liauah ruang hawng ka suah.

⁷LALPA chu ka lakah a ṭha ruangah, ka thinlung, amah chu zumh rawh.

⁸LALPA nih chun thihnâk ah mi a ka hum le, ka mitthli a rehtir, neh hen ka um ding mi hawng ka sanh.

⁹Churawhchun laikulh minung ram ah LALPA mâika ah ka kal.

¹⁰“Ka râwk dep rawh” ka ti liau khawmah lungnâk lakah chun ka um thlir,

¹¹Ka ṭih hen, “Âukhawm zumh kho asi lo rawh,” ka ti liau khawm lungnâk ah ka um thlir.

¹²LALPA ka lakah a ṭhatnâk zawzawng ruangah a sinah zei ka pêk khoâ

¹³LALPA nih ruang hawng ka suah ruangah a sinah lâwmthu simnâk ding hen uain tla ka pêk lai.

¹⁴A mi tla pumhnâk ah a sinah thu ka tiamh mi chu ka pêk lai.

¹⁵A mi lakah pakhat an thi zâwnah LALPA chu thungâi a lungfâk.

¹⁶LALPA, kei chu na to-aw ka si; ka nu nih rian a ṭuan hâwi hen kei khawm nih na rian ka ṭuan. Thihnâk lakah mi nangnih na hawng ka hum.

¹⁷Lâwmthusim bâwlnâk ka nan pêk lai le, na sinah thla ka hawng cham lai.

¹⁸Na mi zawzawng pumhnâk Jerusalem ah na Biakin thenhlimh ah na lakah thu ka nan tiamh mi chu ka nan pêk lai. LALPA chu sawr u!