Read Bawm Chin SAM 135 Bible Online

SAM 135 - Bawm Chin bible

SAM 135

¹LALPA chu sawr u! LALPA to-aw, LALPA in ah leh kan Pathian Biakin ah

²dîrtu tla, a min chu sawr u.

³LALPA chu a ṭha ruangah sawr u; a vêlneihnâk ruangah a min chu la hen sawr u.

⁴Jakob chu amah rang bîk ah a thîm le, Israel tla chu amah tâ ding hen a thîm.

⁵LALPA chu a rokual zia leh pathian dang zawzawng ngâk hen a rokual dauh ti ka theih.

⁶Tual ah leh vân ah a duh mi zawng chu a ti, tipi ah leh a tawdeng khawmah.

⁷Tual dawnghnâk thawk hen thlipi vândâwm chu a hawng put le; thlipi lakah mîmthlâ a lektir le, a kilnâk in thawk hen thli tla a hawng put.

⁸Aigupta ram ah chun fa tîr leh ran tla bang cho hen a thah na.

⁹Lal leh a rianṭuantu tla rêp ding hen an tlûnah thilchê tla a tlungtir.

¹⁰Phun tamtak a thah na le, lal thiltikho tamtak a veih na:

¹¹Amor lal Sihon, Hasan lal Og, leh Kanaan ram lal zawzawng tla khawm.

¹²An ram tla chu a mi Israel tla a pêk na.

¹³LALPA, Pathian ti hen sim na si kumza lai le, thlâk zawzawng tla nih a nan theihkumza lai.

¹⁴LALPA nih a mi tla chu a vêng na lai le; a to-aw tla chu a lungkham na lai.

¹⁵Phun pathian tla chu ngûn leh tangka hen siam an si le; minung kut hen siam mi tla an si.

¹⁶Kâ an nei le, an hawlh kho lo, mit an nei le, sikhawmsele an muh kho lo.

¹⁷Nâ an nei le, sikhawmsele an theih kho lo; thawsuah khonâk an nei lo.

¹⁸Anmah siamtu leh lungtu tla chu an siam mi milem hâwi si bâk na seh!

¹⁹Israel mi tla leh Pathian bâwlpu tla, LALPA amah chu sawr u!

²⁰Nannih Levi tla, amah sawnhtu tla zawzawng nih LALPA, amah chu sawr u!

²¹LALPA chu Jerusalem Zion ah mi in ah sawr u! LALPA chu sawr u!