Read Bawm Chin SAM 136 Bible Online

SAM 136 - Bawm Chin bible

SAM 136

¹LALPA chu a ṭha hen a dâwtnâk chu zungzâl asi ruangah a sinah Lâwmthu sim u.

²Pathian zawzawng lakah rokual chem leh a dâwtnâk zungzâl asi mi sinah lâwmthu sim u.

³Lal zawzawng lakah a chak chem, a dâwtnâk zungzâl si mi sinah chun lâwmthu sim u.

⁴Amah cho nih thilchê rokual tak a ti hen, a dâwtnâk chu zungzâl asi.

⁵A finghnâk hen vân tla a siam; a dâwtnâk chu zungzâl asi.

⁶Tî thûk tak tlûnah tual a siam le, a dâwtnâk chu zungzâl asi.

⁷Nî leh thlâ a siam le; a dâwtnâk chu zungzâl asi.

⁸Nî chu sûn lâirêltu ding hen a siam, a dâwtnâk chu zungzâl asi.

⁹Thlâ leh ârfi chu zân lâirêltu ding hen a siam, a dâwtnâk chu zungzâl asi.

¹⁰Aigupta ram mi fa tîr tla a thah na; a dâwtnâk chu zungzâl asi.

¹¹Israel mi tla chu Aigupta thawk hen a suaktir na le; a dâwtnâk chu zungzâl asi.

¹²A chaknâk leh thiltikhonâk bân hen a ti mi asi; a dâwtnâk chu zungzâl asi.

¹³Tipi Sen chu a ṭhen phawk; a dâwtnâk chu zungzâl asi.

¹⁴Chu lak chun a mi tla a lanpi na le; a dâwtnâk chu zungzâl asi.

¹⁵Sikhawmsele, Aigupta lal leh a kawrsen tla chu tâ lakah a thlâk hep na; a dâwtnâk chu zungzâl asi.

¹⁶A mi tla chu ramkaro ah a lanpi na; a dâwtnâk chu zungzâl asi.

¹⁷Lal thiltikho tak tla chu a thah na; a dâwtnâk chu zungzâl asi.

¹⁸Lal minthang tak tla chu a thah na le; a dâwtnâk chu zungzâl asi.

¹⁹Amor lal Sihon; a dâwtnâk chu zungzâl asi.

²⁰Chun Hasan lal Og; a dâwtnâk chu zungzâl asi.

²¹An ram tla chu a mi le a pêk na; a dâwtnâk chu zungzâl asi.

²²A to-aw Israel tla rangah a pêk na; a dâwtnâk chu zungzâl asi.

²³Neh hen kan um khawmah hawng kan philh lo; a dâwtnâk chu zungzâl asi.

²⁴Kan mêlma lakah mi thawsuak hen hawng kan siam; a dâwtnâk chu zungzâl asi.

²⁵Thil nung kip tla rangah ei ding a pêk na; a dâwtnâk chu zungzâl asi.

²⁶Vân Pathian sinah lâwmthu sim u; a dâwtnâk chu zungzâl asi.