Read Bawm Chin SAM 138 Bible Online

SAM 138 - Bawm Chin bible

SAM 138

¹LALPA, ka thinlung zawzawng hen lâwmthu ka nan simh le, Pathian tla mâika ah nang chu ka nan sawr.

²Na dâwtnâk dawng lo leh zumh na kâinâk ruangah, na Biakin Thenhlimh leiah ka hawi le, kân hen na min ka sawr, na thupêk leh na min rokual zia na langh.

³Ka nan auh liauah na ka sâng le, na chaknâk hen na ka chaktir.

⁴Na thupêk tla an theih ruangah, LALPA, laikulh lal zawzawng nih an sawr lai.

⁵Na thilti leh na rokualnâk chu la hen an sak lai.

⁶Na umnâk chu sâng ngâi khawmsele, nâutâ tla chu na zauhkhenh le, mi zûm tla chu na lakah mi anna thup kho lai lo.

⁷Nawknâk nih hawng ka kulh pang liau khawmah him tak hen na ka kil. Ka mêlma thinthawk tla chu na do le. na thiltikhonâk hen na ka hum.

⁸LALPA, thu na tiamh mi zawzawng chu na ti lai le, na dâwtnâk a dawng lo. Na rianṭuan na dawmh mi chu lîm rawh.