Read Bawm Chin SAM 148 Bible Online

SAM 148 - Bawm Chin bible

SAM 148

¹LALPA chu sawr u! Nannih vân sâng takah um mi tla, LALPA chu sawr u.

²Vânmifial zawzawng tla leh a kawrsen zawzawng tla, amah chu sawr u.

³Nî leh thlâ khawm nih amah chu sawr u; ârfi chêu tla khawm nih amah chu sawr u.

⁴Vân sâng tak leh tî tlûnah mi vândum tla khawm nih amah chu sawr u.

⁵A siam na mi leh thu a pêk na mi zawzawng nih LALPA min chu sawr na seh;

⁶anmah umnâk mun chiauah um kumza ding hen thu a pêk na le, zûl lo hen an um kho lo.

⁷Tipi ah thil nung tla leh tisumsumriat thûk tla nih LALPA chu tual thawk hen sawr u.

⁸Mîmthlalek leh rial tla, vûr leh sêm tla, thlipi, amah thupêk hâwi hen umtu tla khawm nih LALPA chu sawr u.

⁹Tlâng leh tlêng sâng tla, thing rah nei leh tumun tla;

¹⁰ramsa zawzawng vulh mi leh vulh lo mi, rûl leh va tla khawm nih LALPA chu sawr u.

¹¹Lal leh a mi tla zawzawng, lal fa tla leh a lâirêltu zawzawng tla;

¹²nungâk leh tlangvâl tla, tar tla leh ngâksia tla khawm nih LALPA chu sawr u.

¹³LALPA min chu âuzawng nih sawr seh! Midang zawzawng ngâk hen a min chu a rokual le, a rokualnâk chu tual leh vân tlûnlei ah a um.

¹⁴A phun thîm tla chu chak tak hen a siam na le, a dâwt na mi, a mi Israel tla zawzawng nih amah chu an sawrnâk ding hen. LALPA chu sawr u!