Read Bawm Chin SAM 149 Bible Online

SAM 149 - Bawm Chin bible

SAM 149

¹LALPA chu sawr u! LALPA sinah la thar sak ule; a mi zumhkâi tla pumhnâk ah chun a min chu sawr u.

²Israel, a nan siamtu chu â lâwm ruangah, Zion mi tla nan lal asi ruangah, a lâwm u!

³Lâm hen a min chu sawr u; amah sawrnâk ding hen khuang leh ṭingṭang tum u.

⁴LALPA nih a mi tla chu a lawmh na le; nâu tak hen um mi chu nehtu si hen a chungnungtir na.

⁵Pathian mi tla chu nehtu an si ruangah a lâwm na sele, lâwm tak hen khuadei ver hen lâwm tak hen la sak na seh.

⁶Pathian nih thu a pêk na mi hâwi hen,

⁷an kut ah an nâmsâu hâr tak hen phun tla neh ding leh, mi zapi tla rêp ding hen;

⁸an lal tla chu rêngkhimh ding hen, anmah ruitu tla chu thîr rêngri hen;

⁹phun le tla rêp ding hen Pathian an sawr liau chun âu na seh. Hi hi Pathian mi tla nehnâk chu asi. LALPA chu sawr u!