Read Bawm Chin SAM 2 Bible Online

SAM 2 - Bawm Chin bible

SAM 2

¹Phun tla zeirangah an hel? Zeikhawm lo hen zeirangah mi tla nih nawknâk an siam?

²An lal tla an hel le, An lâirêltu tla nih LALPA leh a thîm mi lal chu an phiar.

³“An dîn lakah mi kan suak lai le, An thuneihnâk kan lawnh piak na lai” an ti.

⁴Vân ah a laltophah lakah mi LALPA chu a ni le, An thil ruat do-tla-lo chu zeikhawm a rêl lo.

⁵An sinah thinthawk hen thu a sim le, a thinrunhnâk hen a ṭhih na.

⁶“Ka tlêng thenhlimh Zion ah, ka lal chu ka toh rawh,” a ti.

⁷“LALPA nih a sim mi chu ka phuang awt” Lalchem nih a ti. ‘LALPA nih ka fa na si, tusûn hin na pa ka si,’ a ti.

⁸Hawng ka deih le, phun zawzawng ka nan pêk lai, tual pumpi na tî asi lai.

⁹Thîr ṭhianṭhunh hen na mântir na lai le, tualbêl hâwi hen na nektir na lai.

¹⁰Nannih lal tla, tuah râltuknâk hi, ngâi u; nannih laikulh lal tla, hi ti ding mi hi a sîn u:

¹¹Ṭih bû hen LALPA rian chu ṭuan ule;

¹²thir bû hen amah chu mâimûk u, chu lo chun a thin a thawk sawm lai le, nan thi chawlh lai. Amah hum ding hen a sinah kaltu chu an lâwptlo.