Read Bawm Chin SAM 23 Bible Online

SAM 23 - Bawm Chin bible

SAM 23

¹LALPA chu ka dawrâ vêngtu asi. ka herh mi thil kip ka nei.

²Phâi ah mi belh ring nâwngah a ka dîntir. ili fâm leiah a ka kalpi.

³Chaknâk thar a ka pêk. A tiamh mi hâwi hen lam dik ah a ka ruai.

⁴Mûi sah tak lakah lan menza khawmsele LALPA, ka sinah na um ruangah ka ṭih lai lo. Na dawrâ vêngnâk ṭhianṭhunh leh vuakfung hen na ka hum.

⁵Ka mêlma tla nih an ka muh khonâk ah puai na ka timhtuah piak le; khual zahkâi hâwi hen na ka lawmh, ka hâi khawm a tlêng rual hen na khattir.

⁶Ka dam kar zawzawng chu na ṭhatnâk leh dâwtnâk ka lakah a um lai ti ka theih; na in chu ka san tlum hen ka in asi lai.