Read Bawm Chin SAM 24 Bible Online

SAM 24 - Bawm Chin bible

SAM 24

¹Laikulh leh a sungah um mi zawzawng chu LALPA tâ asi. Tual leh a tlûnah um mi zawng khawm a tâ asi.

²Tual chu tî thûk tak rangah chun a siam le, a lungphûm chu tisumsumriat tawdeng ah a siah.

³LALPA tlêng ah âu a kâi kho lai? A Biakin Thenhlimh ah âu a lât kho?

⁴A thilti leh a dawnruatnâk thenhlimh mi, ruk mâimâk lotu leh âwkrâwl hen thutiamh mang lo mi chu;

⁵LALPA nih mal a sâwm na hen, a hum na lai; Pathian nih sual neilo hen a ruat na lai.

⁶Pathian mâika ah hawngtu tla leh Jakob Pathian mâika ah hawngtu tla chu, chubang tla chu an si.

⁷Kulh kawtkâ tla chu kauh ule, a lânah mi inkhâr tla chu awng u, chun lal rokual chu a hawng lât lai.

⁸Lal rokual hi âu me si? LALPA chak leh thiltikho tak, râltuknâk ah nehtu LALPA chu asi.

⁹Kulh kawtkâ tla chu kauh ule, a lânah mi inkhâr tla chu awng u, chun lal rokual chu a hawng lût lai.

¹⁰Lal rokual hi âu mesi? Nehtu LALPA, amah chu Lal rokual tak chu asi!